+7 (701) 759 90 19 Лента
23 °С : نۇر-سۇلتان
23 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

ەلباسى: شەنەۋنىكتەر ب ا ق رەداكتورلارىنا قىسىم كورسەتەدى

22 تامىز 09:42
:ءبولىسۋ
ەلباسى: شەنەۋنىكتەر ب ا ق رەداكتورلارىنا قىسىم كورسەتەدى

نۇر- سۇلتان. قازاقپارات - «نۇر وتان» پارتياسى ءوزىنىڭ اقپاراتتىق ستراتەگياسىن قايتا قاراۋى كەرەك. كەشەگى كۇنگى پارتيانىڭ ساياسي كەڭەسىنىڭ كەڭەيتىلگەن وتىرىسىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ وسىنداي ماسەلە كوتەردى، دەپ حابارلايدى قازاقپارات ءتىلشىسى.

«پارتيا العا قاراي جىلجيتىن، اقپاراتتىق، يدەولوگيالىق ساياساتتى جۇرگىزۋى ءتيىس. بۇگىنگى تاڭدا مەديادا شىنايى بەينەنى بۇلدىراتاتىن ارنالار كوبەيىپ بارادى. جاي عانا قايداعى ءبىر سۇراقتى لاقتىرادى دا - شىندىققا ساي كەلە مە، جوق پا ءبىلىپ الىڭدار دەيدى (...) كەيىن پارتيانىڭ تولىق مەدياتوبى، تەلەۆيزيالىق ارناسى، گازەتتەرى - اۋزىن جاۋىپ وتىرادى. ءبىزدىڭ ورتالىق اقپاراتتىق ارنالار دا اۋزىن اشپايدى. وي، قورقامىز... بۇرىن مەن كەرىسىنشە، ماعان اقشا تولە، ايتپەسە سەن تۋرالى جامان جازامىن دەگەن رەداكتورلاردى جازالايتىن ەدىم. اكىمدەر وسى ءۇشىن اقشا تولەيتىن. ال قازىر ەگەر سەن بىردەڭە جازساڭ، بىرەۋ ارقىلى سەنى جۇمىستان شىعارامىن دەگەن بوپسا پايدا بولدى. ءبىز ونى بىلەمىز. ەگەر وسىنداي جاعداي تىركەلسە، قانداي لاۋازىمدا بولسا دا، جۇمىستان شىعارامىز. كىم بولسا، ول بولسىن»، - دەدى ەلباسى «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا.

نۇرسۇلتان نازاربايەۆ قازىرگى تاڭدا كەز كەلگەن ماسەلەنى رەسپۋبليكالىق دەڭگەيدەگى پروبلەما ەتىپ كورسەتۋ جاعدايى بەلەڭ الىپ بارا جاتقانىن ايتىپ ءوتتى.

«ينتەرنەت وعان كومەكتەسىپ جاتىر. ەشكىم جاۋاپ بەرمەيدى. پارتيا جالا جاپقانى ءۇشىن جاۋاپكەرشىلىكتى كۇشەيتۋ ماقساتىندا زاڭ قابىلداۋ باستاماسىن كوتەرۋى ءتيىس. ەشكىم ەشكىمگە ءىستى ابسۋردقا دەيىن جەتكىزۋ قۇقىعىن بەرگەن جوق. ءداستۇرلى ب ا ق پوزيتسياسىنان ايىرىلىپ بارادى. داۋرەن ابايەۆ وسى ماسەلە بويىنشا ويلانىپ، جۇمىس جۇرگىزۋى كەرەك. تەلەفوندىق قۇقىق بولماۋى ءتيىس. شەنەۋنىكتەر رەداكتورلارعا قىسىم كورسەتەدى. ءارتۇرلى جولدارمەن سىني ماتەريالداردىڭ جولىن كەسەدى. وسىدان كەيىن قوعامدىق سانادا بالاما شىنايىلىق قالىپتاسادى. «Nur Otan» سول سەبەپتى، ءوزىنىڭ اقپاراتتىق ستراتەگياسىن قايتا قاراۋى كەرەك. پارتيالىق ب ا ق شىنايى ءارى جەدەل اقپاراتتىڭ كوزىنە اينالىپ، وزا جۇمىس جۇرگىزۋى ءتيىس. ەڭ دارىندى ادامداردى تارتىپ، ءتيىستى ايلىق تولەنۋى كەرەك»، - دەدى ەلباسى.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات