+7 (701) 759 90 19 Лента
10 °С : نۇر-سۇلتان
18 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

ق ر پرەزيدەنتى ورتالىق ازيا مەملەكەتتەرىنىڭ سىرتقى ىستەر مينيسترلەرىمەن كەزدەستى

22 تامىز 08:53
:ءبولىسۋ
ق ر پرەزيدەنتى ورتالىق ازيا مەملەكەتتەرىنىڭ سىرتقى ىستەر مينيسترلەرىمەن كەزدەستى

نۇر- سۇلتان. قازاقپارات - كەشە مەملەكەت باسشىسى ورتالىق ازيا مەملەكەتتەرىنىڭ سىرتقى ىستەر مينيسترلەرىمەن كەزدەستى، دەپ حابارلايدى اقوردا.

«اقوردا» رەزيدەنسياسىندا قازاقستان پرەزيدەنتى قاسىم- جومارت توقايەۆتىڭ «С5+1» فورماتىنداعى جوعارى دەڭگەيدەگى كەزدەسۋگە قاتىسۋ ءۇشىن نۇر- سۇلتانعا كەلگەن قىرعىزستان رەسپۋبليكاسى سىرتقى ىستەر ءمينيسترى - چينگيز ايداربەكوۆپەن، تاجىكستان رەسپۋبليكاسى سىرتقى ىستەر ءمينيسترى - سيرودجيددين مۋحريددينمەن، تۇرىكمەنستان رەسپۋبليكاسى سىرتقى ىستەر ءمينيسترى - راشيد مەرەدوۆپەن، وزبەكستان رەسپۋبليكاسى سىرتقى ىستەر ءمينيسترى - ابدۋلازيز كاميلوۆپەن كەزدەسۋى ءوتتى.



مەملەكەت باسشىسى ديپلوماتتاردى ا ق ش- پەن وڭىرلىك ىنتىماقتاستىقتى جانە قاتىناستاردى نىعايتۋدىڭ ءتيىمدى تەتىگى سانالاتىن «С5+1» فورماتىنداعى كەزەكتى كەزدەسۋدىڭ تابىستى اياقتالۋمەن قۇتتىقتادى.

قاسىم- جومارت توقايەۆ ورتالىق ازيا ەلدەرى اراسىنداعى ينتەگراتسيالىق ۇدەرىستەردى ودان ءارى دامىتۋدىڭ ماڭىزدىلىعىن اتاپ ءوتتى.

«كوپ عاسىرلىق ورتاق تاريحىمىز، تاتۋ كورشىلەستىگىمىز، مادەني جانە ءدىني باۋىرلاستىعىمىز مەملەكەتتەرىمىزدى جاقىنداستىراتىن نەگىزگى دىڭگەك بولعان جانە ءارقاشان سولاي بولا بەرەدى. قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ كۇش- جىگەرىنىڭ ارقاسىندا ورتالىق ازياداعى ىنتىماقتاستىق سىرتقى ساياساتىمىزدا ءاردايىم باسىمدىققا يە بولدى»، - دەدى مەملەكەت باسشىسى.

قاسىم- جومارت توقايەۆ ءوڭىر ىشىندەگى ساۋدا- ساتتىق، ينۆەستيتسيالىق، كولىك جانە مادەني- گۋمانيتارلىق بايلانىستاردى دامىتۋ ماسەلەلەرىنە ارنايى توقتالدى.

مەملەكەت باسشىسى 2018 -جىلى ناۋرىز ايىندا قازاقستاننىڭ ەلورداسىندا وتكەن ورتالىق ازيا مەملەكەتتەرى باسشىلارىنىڭ العاشقى كونسۋلتاتيۆتىك كەزدەسۋىندە قول جەتكىزگەن ۋاعدالاستىقتاردى جۇزەگە اسىرۋدىڭ ماڭىزدى ەكەنىن اتاپ كورسەتتى.

«بۇل وقيعالار ەلدەرىمىزدىڭ اراسىنداعى قارىم- قاتىناستاردىڭ جاڭا كەزەڭىنە جول اشتى دەسەك، اسىرا ايتقاندىق ەمەس. ءوڭىر ىشىندەگى ساۋدا- ساتتىق دەڭگەيىنىڭ ايتارلىقتاي ارتۋى سونىڭ ايقىن دالەلى بولادى»، - دەدى قازاقستان پرەزيدەنتى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات