ولگا رىپاكوۆا اباي شىعارماسىن وقىدى

None
None
نۇر- سۇلتان. قازاقپارات - ۇلى اقىن ابايدىڭ 175 جىلدىعىنا ارنالعان چەللەندج جالعاسۋدا. اقىننىڭ ولەڭدەرىنىڭ ءبىرىن 2012 -جىلى لوندوندا وتكەن وليمپيادا چەمپيونى، ايگىلى جەڭىل اتلەت ولگا رىپاكوۆا وقىدى، دەپ حابارلايدى قازاقپارات.

تانىمال سپورتشى ەستەفەتانى شىعىس قازاقستان وبلىسى اكىمىنىڭ ورىنباسارى ءنۇسىپوۆا اسەم بەك قىزىنان قابىلداعانىن ايتادى.

و. رىپاكوۆانىڭ اباي شىعارماسىن وقىعان ۆيدەوسى Facebook جەلىسىندە جاريالاندى.

ولگا رىپاكوۆا ەستافەتانى وليمپيادا چەمپيونى، حالىقارالىق دارەجەدەگى سپورت شەبەرى، ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ كوميتەتىنىڭ ءتوراعاسى سەرىك ساپييەۆكە جانە قازاقستاندىق تانىمال فريستايلشى، 2018 -جىلعى وليمپيادانىڭ قولا جۇلدەگەرى يۋليا گالىشيەۆاعا جولدادى.

ايتا كەتەيىك، بۇعان دەيىن ق ر پرەزيدەنتى قاسىم- جومارت توقايەۆ 9 جاستاعى مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.

اۆتور: ايدار وسپاناليەۆ


سوڭعى جاڭالىقتار