+7 (701) 759 90 19 Лента
5 °С : نۇر-سۇلتان
3 °С : الماتى
USD 389.52 EUR 429.21
RUB 6.07 CNY 54.94
جاڭالىقتار

وقۋعا تۇسكەننەن كەيىن سوعىم جىبەرەدى - ەلباسى ج و و- لارداعى جەمقورلىق جايىندا

21 تامىز 21:44
:ءبولىسۋ
وقۋعا تۇسكەننەن كەيىن سوعىم جىبەرەدى - ەلباسى ج و و- لارداعى جەمقورلىق جايىندا

نۇر- سۇلتان. قازاقپارات - قازاقستان قاۋىپسىزدىك كەڭەسىندە جوعارى وقۋ ورىندارىنداعى جەمقورلىق ماسەلەسى قارالادى. بۇل تۋرالى «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«كوپتەگەن جوعارى وقۋ ورىندارىندا ەمتيحاندى اقشالاي سىيلىقاقىعا تاپسىراتىندىعىن بارلىعىمىز دا بىلەمىز. وقۋعا تۇسەتىن كەزدە بولعانىن بىلەتىن ەدىك. ادەتتە سەسسيا كەزىندە سىناق پەن باعانى ساتىپ الاتىن ەدى. ستۋدەنتتەرگە جاتاقحانادا ورىنداردى ءبولۋ، باسقا دا ومىرلىك پروبلەمالاردى شەشۋ بارىسىندا پارا بەرۋگە ماجبۇرلەيدى. بۇل جاستار تاراپىنىڭ بارىنشا نارازىلىعىن تۋىنداتادى. قاۋىپسىزدىك كەڭەسىنىڭ ءتوراعاسى رەتىندە قاۋىپسىزدىك كەڭەسىنە ارنايى توپتارمەن بىرگە ۋنيۆەرسيتەتتەردى ءىشىنارا ىرىكتەپ الىپ، وسى ماسەلەنى زەردەلەۋدى جانە ونى قاۋىپسىزدىك كەڭەسىنىڭ تالقىلاۋىنا شىعارۋدى تاپسىرامىن»، - دەدى نۇرسۇلتان نازاربايەۆ.

ەلباسىنىڭ ايتۋىنشا، قاۋىپسىزدىك كەڭەسىنىڭ تالقىلاۋىنان كەيىن ناقتى شەشىمدەر قابىلداناتىن بولادى.

«جاستاردىڭ ءوزى دە جەمقورلىققا قارسى ارەكەتتەرگە بەلسەندى تۇردە قاتىسۋى ءتيىس. ساتىپ الىنعان ءبىلىم، اقشاعا الىنعان سىناق نە بولادى؟ ايتىڭىزدارشى! مۇنان كەيىن قانداي ماماندار الامىز؟ « نازاربايەۆ «ۋنيۆەرسيتەتىندە ەشكىم دە ەمتيحان، سىناق ءۇشىن اقشا ۇسىنبايدى. ونىڭ نە ەكەنىن دە بىلمەيدى. 10 مىڭ جاسىمىز باتىستىڭ ۇزدىك ۋنيۆەرسيتەتىندە ءبىلىم الدى. سولار ول جاقتا كىمگە سىناق ءۇشىن پارا بەرگەنىن ايتىپ كورسىنشى. كوردىك قوي، بالاسى وقۋعا تۇسكەننەن كەيىن ارتىنان قىسقا قاراي سوعىم جىبەرەدى. تۇسكەندە دە جىبەرەدى، بىتىرگەندە دە جىبەرەدى. ءالى كۇنى سونىمەن ءجۇرىپ كەلەمىز»، - دەدى ق ر تۇڭعىش پرەزيدەنتى.

اۆتور: مارلان جيەمباي


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات