+7 (701) 759 90 19
-4 °С : نۇر-سۇلتان
-2 °С : الماتى
USD 376.84 EUR 407.97
RUB 5.91 CNY 53.80
جاڭالىقتار

جولاۋشىلار پويىزىندا شىلىم شەگۋگە تىيىم سالىنادى

21 تامىز 21:33
:ءبولىسۋ
جولاۋشىلار پويىزىندا شىلىم شەگۋگە تىيىم سالىنادى

نۇر- سۇلتان. قازاقپارات - 28 - تامىزدان باستاپ جولاۋشىلار پويىزىندا شىلىم تەگۋگە تىيىم سالىنادى، دەپ حابارلايدى قازاقپارات ءتىلشىسى.

بۇل تۋرالى «جولاۋشىلار تاسىمالى» ا ق اتقارۋشى ديرەكتورى ەدىگە مىحانوۆ «قازاقستان تەمىر جولى» ا ق باس عيماراتىندا وتكەن باسپا ءسوز ءماسليحاتىندا ايتتى.

«2019 -جىلدىڭ 28 - تامىزىندا ق ر يندۋستريا جانە ينفراقۇرىلىمدىق دامۋ مينيسترلىگىنىڭ جولاۋشىلار تاسىمالى، قول جۇكتەرى مەن پوشتا جونەلتىمدەرى ەرەجەلەرىنە ەنگىزىلگەن وزگەرىستەر ءوز كۇشىنە ەنەدى. جاڭا ەرەجەگە سايكەس، جولاۋشىلار پويىزىندا شىلىم شەگۋگە تىيىم سالىنادى. بۇعان دەيىن تامبۋردا شىلىم شەگۋگە رۇقسات بەرىلەتىن. كوپتەگەن ارىز- شاعىمنان كەيىن جالپى پويىزدا تەمەكى تارتۋ توقتاتىلادى»، - دەدى ول.

ونىڭ ايتۋىنشا، شىلىم شەككىسى كەلگەن جولاۋشىلار ۆوكزال پەررونىنداعى ارنايى ورىندارعا بارۋى ءتيىس.

«كەي جولاۋشىلار جولسەرىكپەن كەلىسىپ، زاڭ بۇزۋى مۇمكىن دەگەن پىكىرلەر ايتىلۋدا. تەمەكىنىڭ ءيىسىن كەز كەلگەن جولاۋشى 1433 بايلانىس نومىرىنە حابارلاسىپ، شاعىم قالدىرا الادى. ونىڭ ۇستىنە، تالگو پويىزدارى گەرمەتيكالىق ماتەريالدان جاسالعان، تەمەكىنىڭ ءيىسى بارلىق كۋپەگە تارالۋى مۇمكىن. جولاۋشىلاردىڭ كەرى بايلانىسى ارقىلى زاڭبۇزۋشىلىقتارمەن كۇرەسەمىز»، - دەيدى ەدىگە مىحانوۆ

كومپانيا وكىلدەرىنىڭ ايتۋىنشا، پويىز ىشىندە شىلىم شەگۋ فاكتىسى انىقتالعان جاعداي اكت تولتىرىلىپ، جەلىلىك ىشكى ىستەر ءبولىمىنىڭ قىزمەتكەرلەرى شاقىرىلادى. حاتتاما تولتىرىلىپ، ق ر اكىمشىلىك قۇقىقبۇزۋشىلىق كودەكسىنىڭ 571-بابى «تاسىمال ەرەجەسىن بۇزۋ» بويىنشا 5 ا ە ك كولەمىندە ايىپپۇل سالىنادى.

اۆتور: ايجان سەرىكجان قىزى


باستى سوزدەر: زاڭ جانە قۇقىق ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات