يۋپيتەر سەرىگىمەن سوقتىعىسىپ، ونى «جۇتىپ» قويعان

None
None
نۇر- سۇلتان. قازاقپارات - كۇن جۇيەسىنىڭ ىشكى بولىگىن وزگە استەرويدتاردان قورعاۋشى قىزمەتىن اتقاراتىن يۋپيتەر عالامشارىنىڭ پايدا بولۋى عالىمداردى قىزىقتىرعان.

ءىرى پلانەتانىڭ باسقالاردان ەرەكشەلىگى، قۇرىلىمىنىڭ وزگەشەلىگى تالاي عالىمداردىڭ باس اۋرۋىنا اينالعانى بەلگىلى. قازىر يۋپيتەردىڭ ءار ءتۇرلى كولەمدەگى 68 سەرىگى بار. ونىڭ تورتەۋىن «گاليلەيلىك سەرىكتەر» دەپ اتايدى. ويتكەنى كەزىندە گاليلەو گاليلەي قولدان جاساعان العاشقى تەلەسكوپى ارقىلى وسى ءبىر اسپان دەنەلەرىن تاپقان. گاليلەيدىڭ ارقاسىندا قازىر ءبىز گانيمەد، كالليستو، يو جانە ەۆروپا سەكىلدى اسپان دەنەلەرىن بىلەمىز. ءىرى سەرىكتەرىنىڭ تورتەۋ بولعانىنا قاراماستان عالىمدار ونىڭ سانى بەسەۋگە دەيىن جەتكەنىن انىقتاعان. وسىدان 4,5 ميلليارد جىل بۇرىن يۋپيتەردىڭ تاعى ءبىر سەرىگى بولعان، الايدا سوقتىعىسۋدىڭ ناتيجەسىندە جوق بولىپ كەتكەن.

بۇل عالامشار يادروسىنىڭ نەلىكتەن تىعىز ورنالاسقانىن، سۋتەك كوپىرشىگىنىڭ قوسپاسىنان تۇراتىنىن تۇسىندىرەدى. عالىمداردىڭ بولجامى وسىنداي. دەگەنمەن بۇل تەوريانى دالەلدەۋ نە جوققا شىعارۋ قازىر مۇمكىن ەمەس. زەرتتەۋدە حالىقارالىق عارىشكەرلەر توبى Juno زوندىنىڭ دەرەكتەرىن قولدانعان. بۇرىنعى زاماندا ۇلكەن اپاتتىڭ بولۋى يۋپيتەر يادروسىنىڭ ەرەكشەلىگىن دالدەيدى. وعان قوسا بۇل شىندىققا جاقىن جالعىز تەوريا دەيدى عالىمدار. سونداي- اق ءوزىنىڭ سەرىگىمەن سوقتىعىسقان جالعىز يۋپيتەر عانا ەمەس. عالىمدار ساتۋرننىڭ دا اپاتقا ۇشىرعانىن، سەرىگىمەن سوقتىعىسقانىن بولجادى.

Massaget.kz

سوڭعى جاڭالىقتار