تيان- شان تاۋىندا جوعالعان الپينيستەردى ىزدەۋ ۋاقىتشا توقتاتىلدى
«تيان- شان تاۋلارىندا قار تۇرىندەگى جاۋىن- شاشىن ءتۇسۋىنىڭ جالعاسۋىنا جانە قاس قارايا باستاۋىنا بايلانىستى بۇگىنگى كۇنگى ىزدەۋ- قۇتقارۋ جۇمىستارى توقتاتىلدى. اسكەري الپينيستەر مىنگەن توپپەن ق ر ءى ءى م ت ج ك قۇتقارۋ اۆياتسياسىنىڭ ۇشۋى تىكۇشاق ۇشۋىنا قولايلى جاعداي بولعان كەزدە 22 - تامىز كۇنگى تاڭەرتەڭگە جوسپارلانعان» ، - دەپ اتاپ وتەدى كوميتەتتەن.
ەسكە سالساق، الماتىلىق الپينيستەر مۇرات وتەپبايەۆ، اندرەي كورنەيەۆ جانە الەكساندر چەچۋلين قىرعىز تاۋلارىندا جوعالىپ كەتتى. الماتى قالاسىنىڭ اكىمى باقىتجان ساعىنتايەۆ الپينيستەر توبىنىڭ ءىز- ءتۇزسىز كەتۋىنە قاتىستى Instagram پاراقشاسىندا الاڭداۋشىلىق ءبىلدىردى. كەيىنىرەك قۇزعا ورمەلەۋشىلەردىڭ ءبىرىنىڭ قىزى الەۋمەتتىك جەلى ارقىلى قالىڭ كوپشىلىكتەن كومەك سۇرادى. كوپ ۇزاماي ق ر قورعانىس مينيسترلىگى الپينيستەردى قۇتقارۋ وپەراتسياسىن باستاعانىن ءمالىم ەتتى. قۇتقارۋشىلار توبىنا ايگىلى الپينيست ماقسۇت جۇمايەۆ جەتەكشىلىك ەتۋدە.