+7 (701) 759 90 19
-10 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

قاسىم- جومارت توقايەۆ ا ق ش مەملەكەتتىك حاتشىسىنىڭ ورىنباسارىن قابىلدادى

21 تامىز 19:49
:ءبولىسۋ
قاسىم- جومارت توقايەۆ ا ق ش مەملەكەتتىك حاتشىسىنىڭ ورىنباسارىن قابىلدادى

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ا ق ش مەملەكەتتىك حاتشىسىنىڭ ورىنباسارى دەۆيد حەيلدى قابىلدادى، دەپ حابارلايدى اقوردا.

مەملەكەت باسشىسى «س5+1» فورماتىنداعى جوعارى دەڭگەيدەگى كەزدەسۋگە قاتىسۋ ءۇشىن نۇر- سۇلتان قالاسىنا كەلگەن ا ق ش مەملەكەتتىك حاتشىسىنىڭ ساياسي ماسەلەلەر جونىندەگى ورىنباسارى دەۆيد حەيلدى قابىلدادى. اتالعان فورمات ەكونوميكا، ەكولوگيا جانە قاۋىپسىزدىك سالالارى بويىنشا ورتالىق ازياداعى بەس ەل مەن اقش اراسىنداعى كوپجاقتى ءوزارا ىقپالداستىقتىڭ تەتىگى سانالادى.

كەزدەسۋ بارىسىندا تاراپتار قازاقستان مەن ا ق ش اراسىنداعى ستراتەگيالىق سەرىكتەستىكتى كەڭەيتۋ، تەرروريزمگە قارسى ءىس- قيمىلدار، سونداي- اق اۋعانستاندى الەۋمەتتىك- ەكونوميكالىق تۇرعىدان قالپىنا كەلتىرۋ ماسەلەلەرى جونىندە پىكىر الماستى.

قازاقستان پرەزيدەنتى ەكى مەملەكەت باسشىلارى اراسىنداعى تىكەلەي تەلەفون بايلانىسى تۋرالى كەلىسىمگە قول قويۋعا مۇمكىندىك بەرگەنى ءۇشىن امەريكا تاراپىنا ريزاشىلىق ءبىلدىردى.

قاسىم- جومارت توقايەۆ پەن دەۆيد حەيل 2018 -جىلى قاڭتاردا ۆاشينگتوندا وتكەن قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ پەن ا ق ش پرەزيدەنتى دونالد ترامپ كەزدەسۋىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ ءتيىمدى جۇزەگە اسىرىلىپ جاتقانىن اتاپ ءوتتى.

امەريكالىق ديپلومات قازاقستانداعى ساياسي وزگەرىستەردى، سونىڭ ىشىندە ەلىمىزدىڭ الەۋمەتتىك- ەكونوميكالىق دامۋىن جانە دەموكراتيالىق ۇدەرىستەردى نىعايتۋ جونىندەگى قازاقستان پرەزيدەنتىنىڭ العا قويعان ماقساتتارى مەن مىندەتتەرىن قولدايتىنىن اتاپ ءوتىپ، ولاردى ىسكە اسىرۋ ءۇشىن كومەكتەسۋگە دايىن ەكەنىن ايتتى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات