19:33, 21 - تامىز 2019 | GMT +6
اۋىل يمامى اسىق اتۋدان قازاقستان چەمپيونى اتاندى
كوكشەتاۋ. قازاقپارات - اقمولا وبلىسى كوكشەتاۋ قالاسى ماڭىنداعى قىزىلجار اۋىلىنىڭ يمامى اسىق اتۋدان رەسپۋبليكا چەمپيونى اتاندى. بۇل تۋرالى اقمولا وبلىستىق سپورت باسقارماسىنىڭ باسپا ءسوز قىزمەتىنەن حابارلاندى.
ايتا كەتەيىك، پاۆلودار وبلىسىندا اسىق اتۋدان قازاقستان رەسپۋبليكاسىنىڭ چەمپيوناتى ءوتىپ، وندا ۇلتتىق ويىننان 60 سۇرمەرگەن ءوزارا سىنعا تۇسكەن.
«اسىق اتۋدىڭ ارداگەرلەرى اراسىندا اقمولالىق ناۋان يمام نۇر- سۇلتان قالاسىنان كەلگەن ەلىمىزدىڭ بىرنەشە دۇركەن چەمپيونىن ۇتىپ، جەڭىستى قانجىعاعا بايلادى. اۋىل يمامى بالۋان شولاق اتىنداعى ۇلتتىق سپورت تۇرلەرىنىڭ جاسوسپىرىمدەر سپورت مەكتەبىندە ەكى جىل جاتتىعىپ ءجۇر. ونىڭ تالىمگەرلەرى - امانتاي شايحان مەن سامات اۋكەنوۆ» دەلىنگەن باسپا ءسوز بايانىندا.