+7 (701) 759 90 19 Лента
28 °С : نۇر-سۇلتان
28 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

سپورتتىق قۇزعا ورمەلەۋدەن الەم چەمپيوناتى: ريشات حايبۋللين «قولا» ەنشىلەدى

21 تامىز 19:09
:ءبولىسۋ
سپورتتىق قۇزعا ورمەلەۋدەن الەم چەمپيوناتى: ريشات حايبۋللين «قولا» ەنشىلەدى

نۇر- سۇلتان. قازاقپارات - سپورتتىق قۇزعا ورمەلەۋدەن جاپونيانىڭ حاتيودزي قالاسىندا ءوتىپ جاتقان الەم چەمپيوناتىندا قازاقستاندىق ريشات حايبۋللين قولا جۇلدەگەر اتاندى، دەپ حابارلايدى قازاقپارات Olympic.kz سايتىنا سىلتەمە جاساپ.

ريشات وليمپيادا ليسەنزياسى تاراتىلاتىن «كوپسايىس» باعدارلاماسى بويىنشا الەمدەگى ۇزدىك ءۇش سپورتشىنىڭ قاتارىنا ەنىپ وتىر. كوپسايىس قاتارىنا بوۋلدەرينگ، جىلدامدىق جانە قيىندىق بويىنشا جارىسۋ ەنگەن.

«جىلدامدىق» بويىنشا ريشات ەڭ ۇزدىك ناتيجە كورسەتىپ، ءبىرىنشى ورىننان كورىندى. ول 5.915 سەكۋندتا بەرىلگەن قاشىقتىقتى ءجۇرىپ ءوتىپ، الەم رەكوردىن جاڭارتۋعا ءبىر قادام جاقىندادى.

«بوۋلدەرينگ» بويىنشا حايبۋللين سەگىزىنشى ورىن السا، ەڭ شەشۋشى كەزەڭ سانالاتىن «قيىندىقتا» بەسىنشى ورىننان كورىندى.

جارىس ناتيجەسىندە ءۇش كەزەڭدەگى ۇپايلار ەسەپتەلىپ، جەڭىمپازدار مەن جۇلدەگەرلەر انىقتالعان.

ريشات حايبۋللين وليمپيادا ليتسەنزياسىمەن بىرگە الەمدىك سىننىڭ قولا جۇلدەسىن يەلەنىپ وتىر. التىن مەدالدى جاپونيا وكىلى توموا ناراساكي، كۇمىس جۇلدەنى اۆستريالىق ياكۋب شۋبەرت يەلەندى.

ايتا كەتەيىك، بۇعان دەيىن سپورتتىق قۇزعا ورمەلەۋدەن قازاقستان سپورتشىلارى الەم بىرىنشىلىگىنەن جۇلدە الماعان. سونداي- اق، ريشات اتالعان الەم چەمپيوناتىنىڭ فينالىندا ونەر كورسەتكەن تمد ەلدەرىنىڭ جالعىز وكىلى.

ريشات حايبۋللين الەم چەمپيوناتىنىڭ قولا جۇلدەسىمەن بىرگە وليمپيادا جولداماسىنا يە بولعانىن ەستەرىڭىزگە سالامىز.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات