نۇرسۇلتان نازاربايەۆ جاستار جايلى: جاقسىراق جۇمىس ىستەيتىنىن كورىپ وتىرمىز

نۇر- سۇلتان. قازاقپارات - «بولاشاق» باعدارلاماسى بويىنشا وقىپ كەلگەندەرگە مۇمكىندىك بەرۋ كەرەك.

ق ر تۇڭعىش پرەزيدەنتى - ەلباسى نۇرسۇلتان نازاربايەۆ «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا وسىلاي دەدى، دەپ حابارلايدى قازاقپارات ءتىلشىسى.

«بولاشاق» قاۋىمداستىعىندا ۇلكەن الەۋەت بار. قاۋىمداستىق قازىرگى تاڭدا 10 مىڭ ادامدى بىرىكتىرىپ وتىر. ءبارىن دە ءبىر كەزدەرى مەملەكەت وقۋعا جىبەردى. ال قازىر اتا- انالار بالالارىن شەتەلدە وقىتۋعا ودان ارى قۇمار. بۇگىنگى تاڭدا قازاقستان سىرتىندا ءبىزدىڭ 60 مىڭعا تارتا وتانداسىمىز وقىپ جاتىر. ءتىپتى، ودان دا كوپ بولۋى مۇمكىن. رەسەيدىڭ وزىندە عانا - 16 مىڭ. ولار كەلىپ، جۇمىسىن ىستەيدى. ولارمەن جۇمىستى جالعاستىرۋ كەرەك» ، - دەدى تۇڭعىش پرەزيدەنت.

ەلباسى ءبىر كەزدەرى «بولاشاق» بويىنشا وقۋ ءبىتىرىپ كەلگەندەر جاپپاي وبلىستارعا تاراپ، ەڭبەك ەتكەنىن ەسكە الدى.

«ولار اۋدان جانە وبلىس اكىمدەرىنىڭ ورىنباسارى بولدى. نەلىكتەن بۇل جۇمىس توقتاپ قالدى؟ مىنە، ماسەلەن، ءبىز وقۋعا جىبەرگەندەردىڭ ءبىرى - التاي كولگىنوۆ. كەزىندە ءبىز ونى ارنايى وقۋعا جىبەردىك، ال بۇگىن ول قالا باسشىلىعىندا وتىر. وسىنداي ازاماتتار كوپ. ءبارىن نە ءۇشىن دايىندادىق؟ قازىر وتىرىپ الىپ، ورىندىقتى بەرگىمىز كەلمەيدى. ولاردىڭ جاقسىراق جۇمىس ىستەيتىنىن كورىپ وتىرمىز. ايتپەسە، ءبىر جەرگە توقتاپ، دامىماي قالامىز. سول سەبەپتى، كەلەسى جىلدىڭ كوكتەمىندە وتەتىن «Jas Otan» سەزىندە ءبىلىمدى جاستاردى جۇمىلدىرۋدى تالقىلاۋدى ۇسىنامىن» ، - دەدى ەلباسى.