ەلوردا اكىمدىگى مەكتەپ فورماسى مەن كەڭسە تاۋارلارىنا سەرتيفيكات بەرۋدى باستادى
«20 - تامىزدان باستاپ الەۋمەتتىك از قامتىلعان وتباسىلاردان شىققان بالالارعا مەكتەپ كەرەك- جاراقتارىن ساتىپ الۋ ءۇشىن ارنايى سەرتيفيكاتتار بەرۋ باستالدى. قازىرگى ۋاقىتتا 8 مىڭ سەرتيفيكات تاپسىرىلدى. 78 بالا سەرتيفيكات بويىنشا كيىم ساتىپ الدى. سونىمەن قاتار 81 مەكتەپتىڭ الەۋمەتتىك پەداگوگتارىنا سەرتيفيكاتتار بەرىلدى. الەۋمەتتىك پەداگوگتار اتا- انالارعا 2300 سەرتيفيكات تابىستادى» ، - دەلىنگەن قالا اكىمدىگىنىڭ مالىمەتىندە.
سەرتيفيكاتتار كەلەسىدەي ساناتتاعى وتباسىلار ءۇشىن قاراستىرىلعان: جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن از بولسا جانە ا ا ك الماسا، جەتىم بالالار مەن اتا- اناسىنىڭ قامقورلىعىنسىز قالعان بالالار؛ توتەنشە جاعدايلاردىڭ سالدارىنان شۇعىل كومەكتى تالاپ ەتەتىن وتباسىلاردىڭ بالالارى؛ ءبىلىم بەرۋ ۇيىمىنىڭ القالى باسقارۋ ورگانى ايقىندايتىن وزگە دە ساناتتاعى ءبىلىم الۋشىلار.
مەكتەپ فورماسى مەن وقۋ قۇرالدارىنان باسقا وقۋشىلارعا مىناداي كومەك كورسەتىلەدى: ىستىق تاماق، جازعى ساۋىقتىرۋ لاگەرىنە جولداما، مادەني جانە سپورتتىق شارالارعا قاتىسۋ مۇمكىندىگى.