+7 (701) 759 90 19 Лента
14 °С : نۇر-سۇلتان
14 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

نۇرسۇلتان نازاربايەۆ: زيالى قاۋىمدى رۋحاني ماسەلەلەردى شەشۋگە جۇمىلدىرۋ كەرەك

21 تامىز 14:26
:ءبولىسۋ
نۇرسۇلتان نازاربايەۆ: زيالى قاۋىمدى رۋحاني ماسەلەلەردى شەشۋگە جۇمىلدىرۋ كەرەك

نۇر-سۇلتان. قازاقپارات - زيالى قاۋىمدى رۋحاني ماسەلەلەردى شەشۋگە جۇمىلدىرۋ كەرەك. ق ر تۇڭعىش پرەزيدەنتى - ەلباسى نۇرسۇلتان نازاربايەۆ وسىلاي دەدى، دەپ حابارلايدى قازاقپارات ءتىلشىسى.

«حالىقپەن ناقتى جۇمىس جۇرگىزۋ قاعيداتىن جولعا قويۋ كەرەك. سايلاۋشىلاردىڭ مۇددەسىنە ساي كەلەتىن باعدارلامالاردى قولعا الۋ كەرەك. بۇل - الەمدىك تاجىريبە. ال بىزدە قالاي؟ قازىرگى تاڭدا پارتيا 24 جوبامەن، 200 گە جۋىق ءتۇرلى ەسەپ بەرۋمەن اينالىسىپ كەلەدى. ونىڭ بارلىعى - ۇكىمەتتىڭ جۇمىسى، پارتيانىكى ەمەس. قارجىنى، ماتەريالدىق رەسۋرستاردى سول ءۇشىن ءراسۋا ەتەدى. سوندىقتان، پارتيانىڭ بارلىق جوبالارىن قايتا قاراۋ كەرەك. ولار ناقتى الەۋمەتتىك توپتارعا ارنالۋى ءتيىس. مەملەكەتتىك ورگانداردىڭ جۇمىسىن قايتالاماۋ كەرەك. پارتيانىڭ جۇمىسى باسقا»، - دەدى ەلباسى «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا.

نۇرسۇلتان نازاربايەۆ ءوز سوزىندە پارتيانىڭ وزىندە ءساتتى جوبالارى بارىن، ولاردىڭ قاتارىندا «ارداگەرلەردى ارداقتايىق» سەكىلدى جاقسى جوبالار بارىن تىلگە تيەك ەتتى.

«كوپبالالى انالار ءۇشىن «باقىتتى وتباسى» دەگەن ورتالىقتار اشىلۋدا. كوبەيتىپ، سولاردىڭ جۇمىسىن جۇرگىزۋ كەرەك. وسىنداي تاجىريبەلەردى جاپپاي ەنگىزگەن ءجون. ماسەلەن، «ميراس قوعامدىق كەڭەسىنىڭ الەۋەتىن پايدالانىپ، زيالى قاۋىمدى رۋحاني ماسەلەلەردى شەشۋگە جۇمىلدىرۋ كەرەك. زيالى قاۋىم دەگەنىمىز وتىرىپ الىپ، مەن جازۋشىمىن نەمەسە كومپوزيتورمىن دەپ، تەك سىناۋمەنەن عانا بولۋ كەرەك پە؟ زيالى قاۋىم - حالىقتىڭ الدىندا جۇرەتىن، جول كورسەتەتىن باستاۋشىسى بولۋى كەرەك»، - دەدى ول.

ءوز سوزىندە نۇرسۇلتان نازاربايەۆ «رۋحاني جاڭعىرۋ»، «ۇلى دالانىڭ جەتى قىرى» ماقالالارىن ەسكە الدى.

«سوندىقتان، زيالى قاۋىممەن بىرگە جۇمىس جۇرگىزۋ كەرەك»، - دەدى ول.

ايتا كەتسەك، ەلوردادا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ توراعالىعىمەن «Nur Otan» پارتياسى ساياسي كەڭەسىنىڭ كەڭەيتىلگەن وتىرىسى ءوتىپ جاتىر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات