+7 (701) 759 90 19 Лента
23 °С : نۇر-سۇلتان
28 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

اسقار مامين «الەۋمەتتىك قامقورلىق» شارالارى قالاي ىسكە اسىرىلىپ جاتقانىن باياندادى

21 تامىز 11:51
:ءبولىسۋ
اسقار مامين «الەۋمەتتىك قامقورلىق» شارالارى قالاي ىسكە اسىرىلىپ جاتقانىن باياندادى

نۇر-سۇلتان. قازاقپارات - ۇكىمەت باسشىسى، «Nur Otan» پارتياسى ساياسي كەڭەسىنىڭ مۇشەسى اسقار مامين ەلىمىزدە ەلباسىنىڭ تاپسىرماسى بويىنشا قولعا الىنعان الەۋمەتتىك شارالار قالاي ىسكە اسىرىلىپ جاتقانىن بايان ەتتى، دەپ حابارلايدى قازاقپارات ءتىلشىسى.

«ەلباسى نۇرسۇلتان ءابىش ۇلى نازاربايەۆتىڭ تىكەلەي باستاماسىمەن قۇرىلعان «Nur Otan» پارتياسى تاريحي تۇرعىدا قىسقا مەرزىمنىڭ ىشىندە ەلىمىزدىڭ الدىڭعى قاتارلى ساياسي كۇشىنە اينالدى. «Nur Otan» - قازاقستاندا جۇرگىزىلىپ جاتقان اۋقىمدى، ساياسي جانە الەۋمەتتىك-ەكونوميكالىق رەفورمالاردى جۇزەگە اسىرۋشى پارتيا. اسا قادىرلى ەلباسى، ءسىز پارتيانىڭ الدىنا كەز كەلگەن ۋاقىت سىناعىنا ساي جەدەل جانە ساپالى جاۋاپ بەرۋ مىندەتىن قويدىڭىز. وسى ورايدا پارتيا ءارقاشاندا كۇردەلى ماسەلەلەردىڭ وڭتايلى جولىن تاۋىپ، ءتيىمدى شەشىمدەر قابىلداپ كەلەدى. ءبىزدىڭ ورتاق ماقساتىمىز - حالقىمىزدىڭ ءومىر ءسۇرۋ ساپاسى مەن ءال-اۋقاتىن ارتتىرۋعا، ەلدىڭ ەكونوميكالىق الەۋەتىن ارتتىرۋعا، قوعامنىڭ تۇراقتىلىعىن ساقتاۋعا باعىتتالعان پارتيا ليدەرى نۇرسۇلتان ءابىش ۇلى نازاربايەۆتىڭ باستامالارى مەن پرەزيدەنت قاسىم-جومارت كەمەل ۇلى توقايەۆتىڭ سايلاۋالدى باعدارلاماسىن جۇيەلى تۇردە جۇزەگە اسىرۋ. جاۋاپكەرشىلىگى مول بۇل مىندەتتەردى پارتيامەن تىعىز قارىم-قاتىناستا ىسكە اسىرۋدامىز»، - دەدى اسقار مامين.

ۇكىمەت باسشىسى ءوز سوزىندە «Nur Otan» پارتياسىنىڭ ХVІІІ سەزىندە ەلباسى تاپسىرعان «الەۋمەتتىك قامقورلىق» الەۋمەتتىك شارالارىنىڭ قالاي جۇزەگە اسىرىلىپ جاتقانىن بايان ەتتى.

«ءسىزدىڭ تاپسىرماڭىز بويىنشا، وسى جىلدىڭ 1- ساۋىرىنەن باستاپ ا ا ك كولەمى ارتتى. 1- شىلدەدەن باستاپ بالا كەزىنەن مۇگەدەك بالالاردى باعۋ ءۇشىن مەملەكەتتىك جاردەماقىنىڭ كولەمى ۇلعايدى. 1- ماۋسىمنان جالاقىسى از بيۋجەت قىزمەتكەرلەرىنىڭ ايلىعى 30 پايىزعا دەيىن كوتەرىلدى. ال جەرگىلىكتى اتقارۋشى ورگاندارداعى قىزمەتكەرلەردىڭ جالاقىسى 25 پايىزعا كوبەيدى. «نۇرلى جەر» باعدارلاماسىنا وزگەرىستەر ەنگىزىلىپ، تۇرعىن ءۇي جيناق بانكى ارقىلى از قامتىلعان وتباسىلارعا جەڭىلدەتىلگەن نەسيەلەۋ جۇيەسى ىسكە قوسىلدى. بۇل مەحانيزم وسى جىلدىڭ شىلدەسىنەن باستاپ ىسكە قوسىلدى، الداعى ءۇش جىلدا بۇل باعىتتا 50 ميلليارد تەڭگەدەن بولىنەدى»، - دەدى اسقار مامين.

ايتا كەتسەك، ەلوردادا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ توراعالىعىمەن «Nur Otan» پارتياسى ساياسي كەڭەسىنىڭ كەڭەيتىلگەن وتىرىسى ءوتىپ جاتىر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات