العا ىلگەرىلەۋ ءۇشىن جەتەكشى ساياسي كۇشتىڭ، قوعامنىڭ بىرلىگى قاجەت - ەلباسى
«بۇگىن ءبىز ەل دامۋىنىڭ نەگىزگى باعىتتارى بويىنشا ءبىراز ماسەلە تۋرالى ايتاتىن بولامىز. پارتيا مۇشەلەرىنىڭ قاتىسۋىمەن ساياسي كەڭەستىڭ كەڭەيتىلگەن وتىرىسىنا جينالىپ وتىرمىز. ۇكىمەت مۇشەلەرى، پارتيانىڭ ماجىلىستەگى فراكسياسى، وبلىستارداعى فيليالداردىڭ جەتەكشىلەرى قاتىسىپ وتىر. بيىل پارتيامىز ءۇشىن، ەلىمىز ءۇشىن اۋقىمدى جۇمىس اتقارىلىپ جاتقانىن بىلەمىز. ەكى سەزد وتكىزدىك، پارتيامىزدىڭ 20 جىلدىعىن اتاپ وتتىك. ماۋسىم ايىندا پرەزيدەنت سايلاۋىندا ءبىزدىڭ كانديداتىمىز قاسىم-جومارت كەمەل ۇلى توقايەۆ جەڭىسكە جەتتى»، - دەدى وتىرىستى اشقان ەلباسى.
ق ر تۇڭعىش پرەزيدەنتىنىڭ اتاپ وتۋىنشە، حالىق تاۋەلسىزدىك جىلدارىندا ەلىمىزدىڭ بيلىك پارتياسى اتقارعان جۇمىستاردىڭ بارلىعىن كورىپ وتىر.
«دەگەنمەن، ءومىر ءبىر ورنىندا تۇرمايدى. ءبارى وزگەرىسكە ۇشىراپ جاتىر. بۇكىل الەمدە دە ساياسي پارتيالار بۇگىنگى كۇنى جاڭا مىندەتتەرمەن بەتپە-بەت كەلۋدە. حالىقارالىق تاجىريبە كورسەتىپ وتىرعانداي، تۇراقسىزدىق كەزەڭىندە العا ىلگەرىلەۋ ءۇشىن جەتەكشى ساياسي كۇشتىڭ ىشىندەگى، سونىمەن قاتار قوعامداعى بىرلىك قاجەت. ونسىز ۇلكەن مىندەتتەردى ورىنداۋ مۇمكىن ەمەس. جاڭا ساياسي جاعدايدا پارتيانىڭ ءرولى ايتارلىقتاي وسە تۇسەدى»، - دەدى نۇرسۇلتان نازاربايەۆ.
وسىدان كەيىن ەلباسى وتىرىستا «Nur Otan» پارتياسى الدىنداعى تۇرعان مىندەتتەردى ءسوز ەتىپ، مۇنان ارعى شارالاردى تالقىلاۋدى ۇسىندى. وتىرىسقا قاتىسۋشىلار بۇل ۇسىنىستى تولىق قولدادى.
قازىرگى ۋاقىتتا ۇكىمەت باسشىسى اسقار مامين پارتيانىڭ سايلاۋالدى باعدارلاماسىنداعى مىندەتتەردىڭ ورىندالۋ بارىسى جايىندا بايانداما جاساۋدا. ال ودان كەيىن «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ءسوز سويلەيدى.