گرەنلانديا ا ق ش- قا ساتىلمايتىن بولعاندىقتان ترامپ دانياعا ساپارىن توقتاتتى

نۇر-سۇلتان. قازاقپارات – ا ق ش پرەزيدەنتى دونالد ترامپ دانيا پرەمەر-ءمينيسترى گرەنلانديانىڭ ا ق ش- قا ساتىلمايتىنىن مالىمدەگەننەن كەيىن، كوپەنگاگەنگە جوسپارلانعان ساپارىنان باس تارتتى.

بۇل تۋرالى «قازاقپارات» BBC News اگەنتتىگىنە سىلتەمە جاساپ حابارلايدى.

BBC مالىمەتى بويىنشا، دونالد ترامپتىڭ كوپەنگاگەنگە ساپارى دانيا حانشايىمى ІІ مارگرەتەنىڭ شاقىرۋىمەن 2- قىركۇيەكتە ءوتۋى ءتيىس ەدى.

وتكەن اپتادا ا ق ش باسشىسى ا ق ش دانيانىڭ اۆتونومدى اۋماعى سانالاتىن گرەنلانديانى ساتىپ الۋعا مۇددەلى ەكەنىن مالىمدەگەن بولاتىن. دانيانىڭ پرەمەر-ءمينيسترى مەتتە فرەدەريكسەن بۇل ۇسىنىستى «ابسۋرد» دەپ اتاپ، دونالد ترامپ جاي عانا ازىلدەگەن شىعار دەپ ۇمىتەنەتىنىن ايتقان.

ال دونالد ترامپ سەيسەنبى كۇنى Twitter- دە ءوز ساپارىنىڭ كۇشىن جوياتىنىن جازدى.

«دانيا - كەرەمەت ادامدارى بار وتە ەرەكشە ەل. ءبىراق پرەمەر-مينيستر مەتتە فرەدەريكسەن گرەنلانديانى ساتۋ ماسەلەسىن تالقىلاۋعا مۇددەلى ەمەستىگىن ەسكەرە وتىرىپ، ەكى اپتادان كەيىن جالعاساتىن كەزدەسۋىمىزدى كەيىنگە شەگەرمىن...»

اق ءۇي وكىلى ا ق ش پرەزيدەنتىنىڭ ساپارى توقتاتىلعانىن راستاعان.

ترامپ ا ق ش تاراپىنىڭ گرەنلانديانى ساتىپ الۋعا مۇددەلى ەكەنىن بۇعان دەيىن راستاعان.

«ا ق ش اۋماعىنىڭ ءبىر بولىگىن گرەنلانديا ارالىنا اۋىستىرۋ تۋرالى ماسەلەسى قاراستىرا ما» دەگەن ساۋالعا ول: «بۇل تۇرعىدا كوپ دۇنيە جاساۋعا بولادى. شىن مانىندە، جىلجىمايتىن مۇلىككە قاتىستى وتە ءىرى مامىلە»، - دەپ جاۋاپ بەرگەن بولاتىن.

بۇل ۇسىنىستى گرەنلانديا مەن دانيانىڭ رەسمي وكىلدەرى قابىلدامادى.

«گرەنلانديا ساتىلمايدى، ءبىراق گرەنلانديا باسقا ەلدەرمەن، سونىڭ ىشىندە ا ق ش- پەن ساۋدا جانە ىنتىماق ورناتۋ ءۇشىن اشىق»، - دەدى گرەنلانديا پرەمەر-ءمينيسترى كيم كيلسەن.

ال دانيانىڭ بۇرىنعى پرەمەر-ءمينيسترى لارس لەككە راسمۋسسەن Twitter- دە «بۇل ءبىرىنشى ءساۋىر ءازىل بولۋى كەرەك»، - دەپ جازدى.

گرەنلانديا - الەمدەگى ەڭ ۇلكەن ارال. بۇل - دانيانىڭ سولتۇستىك اتلانت جانە سولتۇستىك مۇزدى مۇحيت اراسىندا ورنالاسقان اۆتونومدى ايماعى. حالقىنىڭ سانى - 56000 ادام.

ا ق ش پرەزيدەنتى گرەنلاندياعا كومىر، مىرىش، مىس جانە تەمىر كەنى سياقتى تابيعي رەسۋرستارى ءۇشىن قىزىعىپ وتىر دەگەن بولجام بار. گرەنلانديا پايدالى قازبالارعا باي بولعانىمەن، قازىر دانيا بيۋجەتىنە تۇسەتىن تابىستىڭ ۇشتەن ەكى بولىگىن يەمدەنىپ وتىر. ارالدا سۋيتسيد، ماسكۇنەمدىك جانە جۇمىسسىزدىق دەڭگەيى جوعارى.

ا ق ش ارالدى ەجەلدەن ستراتەگيالىق ماڭىزدى اۋماق دەپ سانايدى. «قىرعي-قاباق سوعىس» قارساڭىندا اسكەري اۋە كۇشتەرىنىڭ بازاسىن قۇرعان. رەسپۋبليكاشىل مايك گەللاحەر ترامپتىڭ ارالدى ساتىپ الۋ يدەياسىن «اقىلدى گەوساياسي قادام» دەپ باعالادى.

«قۇراما شتاتتاردىڭ گرەنلانديادا ستراتەگيالىق قىزىعۋشىلىعى بار جانە بۇل ۇسىنىس قارالۋى ءتيىس»، - دەپ جازدى ول Twitter- دە.

گرەنلانديانى ساتىپ الۋ يدەياسى ەڭ العاش رەت 1860-جىلدارى پرەزيدەنت ەندريۋ دجونسوننىڭ كەزىندە تالقىلاندى. 1867-جىلى ا ق ش مەملەكەتتىك دەپارتامەنتىنىڭ بايانداماسىندا گرەنلانديانىڭ ستراتەگيالىق اۋماقتا ورنالاسۋى جانە رەسۋرستارعا باي بولۋى ونى ساتىپ الۋ شاراسىن ءمىنسىز ەتەدى دەپ كورسەتىلدى. 1946-جىلى ا ق ش- تىڭ 33- پرەزيدەنتى گارري ترۋمەن دانياعا وسى اۋماق ءۇشىن 100 ميلليون دوللار ۇسىنعان بولاتىن.