+7 (701) 759 90 19
0 °С : نۇر-سۇلتان
8 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

الپينيستەردى ىزدەستىرۋ: ماقسۇت جۇمايەۆ ىزدەۋ جۇمىستارىنىڭ ناتيجەسىن ايتتى

21 تامىز 09:57
:ءبولىسۋ
الپينيستەردى ىزدەستىرۋ: ماقسۇت جۇمايەۆ ىزدەۋ جۇمىستارىنىڭ ناتيجەسىن ايتتى

نۇر-سۇلتان. قازاقپارات – ق ر قارۋلى كۇشتەرىنىڭ اسكەري قىزمەتشىسى، كاپيتان ماقسۇت جۇمايەۆ قىرعىزستان تاۋلارىندا جوعالعان قازاقستاندىق الپينيستەردى ىزدەستىرۋ جۇمىستارىنىڭ ناتيجەسى تۋرالى ءمالىم ەتتى، دەپ حابارلايدى قازاقپارات ءتىلشىسى.

«تاڭەرتەڭ جەڭىس شىڭىن تىكۇشاقپەن ارالاپ شىقتىق. جوعالعان الپينيستەردى ىزدەستىرۋدىڭ بولجامدى تەرريتورياسى بەلگىلەندى. ول جەرگە تىكۇشاقتارمەن سەگىز رەت شولۋ جۇرگىزدىك. الپينيستەر بولۋى مۇمكىن جەرلەردى قاراۋدى تاڭەرتەڭ جالعاستىرۋ شەشىمى قابىلداندى. جۇمىستار جالعاسۋدا. اۋا رايى جاعدايى دا بۇعان مۇمكىندىك بەرىپ وتىر. ەرتەڭ تاڭەرتەڭ كۇن رايىنا قاراي قايتا ۇشامىز»، - دەدى ول ق ر قورعانىس مينيسترلىگى ۇسىنعان ۆيدەودا.

مينيسترلىك بۇعان دەيىن ۇسىنعان مالىمەتتە قازاقستان اسكەريلەرى قىرعىزستاندا جەڭىس شىڭىن تەپلوۆيزورمەن شولعىنداپ، اينالا ۇشىپ شىققانىن ءمالىم ەتكەن بولاتىن. «قازىرگى ۋاقىتتا ولار بازالىق لاگەردە. تەپلوۆيزوردىڭ كومەگىمەن الىنعان اقپاراتتى وڭدەپ جاتىر. سودان كەيىن بۇدان ءارى قالاي ارەكەت ەتۋ كەرەكتىگى شەشىلەتىن بولادى»، - دەلىنگەن ەدى اقپاراتتا.

ەسكە سالساق، الماتىلىق الپينيستەر مۇرات وتەپبايەۆ، اندرەي كورنەيەۆ جانە الەكساندر چەچۋلين قىرعىز تاۋلارىندا جوعالىپ كەتتى. الماتى قالاسىنىڭ اكىمى باقىتجان ساعىنتايەۆ الپينيستەر توبىنىڭ ءىز-ءتۇزسىز كەتۋىنە قاتىستى Instagram پاراقشاسىندا الاڭداۋشىلىق ءبىلدىردى. كەيىنىرەك قۇزعا ورمەلەۋشىلەردىڭ ءبىرىنىڭ قىزى الەۋمەتتىك جەلى ارقىلى قالىڭ كوپشىلىكتەن كومەك سۇرادى. كوپ ۇزاماي ق ر قورعانىس مينيسترلىگى الپينيستەردى قۇتقارۋ وپەراتسياسىن باستاعانىن ءمالىم ەتتى. قۇتقارۋشىلار توبىنا ايگىلى الپينيست ماقسۇت جۇمايەۆ جەتەكشىلىك ەتۋدە.


ق ر سىرتقى ىستەر مينيسترلىگىنىڭ اقپاراتىنا سايكەس، 2019-جىلدىڭ 17- تامىزىندا بىشكەكتەگى قازاقستاندىق كونسۋلدىققا قازاقستاننىڭ 3 ءالپينيسى تيان-شان تاۋىنىڭ (قىرعىزستان، ىستىقكول وبلىسى) جەڭىس شىڭىندا جوعالىپ كەتكەندىگى تۋرالى اقپارات ءتۇستى. قازاقستان ازاماتتارى مۇرات وتەپبايەۆ، اندرەي كورنەيەۆ جانە الەكساندر چەچۋليننىڭ 4- تامىز كۇنى جەڭىس شىڭىنا ساپارلاپ شىققاندىعى انىقتالدى. ولاردىڭ بارلىعى دا كاسىبي جانە تاجىريبەلى الپينيستەر. 14- تامىزدا ولار اتالعان شىڭدى باعىندىرعان. سول كۇنى اۋا رايى ناشارلاپ كەتكەن.

الپينيستەر 15- تامىز كۇنى شامامەن ساعات 08.15 تە سوڭعى رەت بايلانىسقا شىعىپ، ورىن العان جايتقا قاتىستى دابىل قاققان. سونداي-اق، ولار ا. چەچۋليننىڭ قازا تاپقاندىعىن ەستىرتكەن. الپينيستەر دابىل قاققان ساتتە ولار 6900 مەتر بيىكتىكتە بولعان. شاتىرلارى مەن جابدىقتارىن جەل ۇشىرىپ كەتكەن. ولار قاردان شۇڭقىر قازىپ، سوعان جاسىرىنعاندىقتارىن ايتقان.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات