+7 (701) 759 90 19 Лента
13 °С : نۇر-سۇلتان
14 °С : الماتى
USD 387.34 EUR 428.44
RUB 6.04 CNY 54.58
جاڭالىقتار

ازيا چەمپيوناتى: ۆولەيبولدان قازاقستان قىزدارى جارىستىڭ كەلەسى ساتىسىنا شىقتى

21 تامىز 08:59
:ءبولىسۋ
ازيا چەمپيوناتى: ۆولەيبولدان قازاقستان قىزدارى جارىستىڭ كەلەسى ساتىسىنا شىقتى

نۇر-سۇلتان. قازاقپارات - وڭتۇستىك كورەيادا ءوتىپ جاتقان ۆولەيبولدان قىزدار اراسىنداعى ازيا بىرىنشىلىگىنىڭ توپتىق كەزەڭى مارەسىنە جەتتى.

سوڭعى تۋردا قازاقستان قۇراماسى ءۇندىستان قىزدارىنان باسىم ءتۇستى، دەپ حابارلايدى قازاقپارات ءتىلشىسى.

B توبىنداعى قازاقستان مەن ءۇندىستان اراسىنداعى كەزدەسۋ ءتورت سەتكە سوزىلدى. العاشقى سەتتە ءبىزدىڭ قىزدار قارسىلاسىنا 21:25 ەسەبىمەن جول بەردى. قالعان سەتتىڭ بارلىعىندا جەڭىسكە جەتتى. الدىمەن 25:16، ودان كەيىن 25:19 جەڭسە، سوڭعى سەتتە 25:18 ەسەبىمەن باسىم ءتۇستى. وسىلايشا جالپى قورىتىندى بويىنشا 3:1 ەسەبىمەن قارسىلاسىن قاپى قالدىردى.

ءبىزدىڭ توپتاعى تاعى ءبىر كەزدەسۋدە جاپونيا قىزدارى اۆستراليانى 3:0 ەسەبىمەن تىزە بۇكتىردى.

توپتىق كەزەڭنىڭ تۋرنير كەستەسىندە بىردە-ءبىر ۇپاي جوعالتپاعان جاپونيا كوش باسىنا شىقتى. ودان كەيىنگى ورىنداعى قازاقستان 6 ۇپاي السا، اۆستراليا 3 ۇپاي ەنشىلەدى. ال بارلىق قارسىلاسىنا ەسە جىبەرگەن ءۇندىستان سوڭعى ورىندا قالىپ قويدى.

قۇرامامىز بۇدان بۇرىن اۆستراليانى 3:0 ەسەبىمەن جەڭسە، ودان كەيىن ءدال وسى ەسەپپەن جاپونياعا ەسە جىبەرىپ قويدى.

قازاقستان قىزدارى ەندى جەڭىمپازدار كەزەڭى ساتىسىندا F توبىندا سىنعا تۇسەدى. قارسىلاستارى - جاپونيا، قىتاي جانە يندونەزيا قۇرامالارى. ال E توبىندا وڭتۇستىك كورەيا، تايلاند، تايۆان جانە يران قۇرامالارى شەبەرلىك بايقاسادى.

ءبىزدىڭ قۇراما 22- تامىزدا قىتايمەن وينايدى. ال 23- تامىزدا يندونەزيامەن كەزدەسەدى. ازيا بىرىنشىلىگى 25- تامىزدا مارەسىنە جەتەدى.

ءبىزدىڭ قىزدار ازيا بىرىنشىلىگىندە بيىل توعىزىنشى مارتە قاتىسىپ وتىر. قۇرامامىز 2005-جىلى كۇمىس جۇلدەگەر اتانعان بولاتىن. سول جىلى فينالدا جاپونياعا 0:3 ەسەبىمەن جەڭىلىپ قالدى. قىزدارىمىز وزدەرى قاتىسقان قالعان ازيا بىرىنشىلىگىندە العاشقى وندىقتان كورىنىپ كەلەدى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات