«جىبەك جولى - ديالوگ جولى» حالىقارالىق ەكسپەديتسياسى جولعا شىقتى
ەكسپەديتسيانى ق ر مادەنيەت جانە سپورت مينيسترلىگىنىڭ تۋريزم يندۋسترياسى كوميتەتىنىڭ تاپسىرىسىمەن «Kazakh Tourism» ۇ ك» ا ق ۇيىمداستىرۋدا.
ەكسپەديتسيانىڭ باستالۋىنا وراي بۇگىن Visit Almaty تۋريستىك اقپاراتتىق ورتالىعىنىڭ باسپا ءسوز ورتالىعىندا «Kazakh Tourism» ۇ ك» ا ق ماركەتينگ، سيفرلاندىرۋ جانە بايلانىس ءبولىمىنىڭ مەنەدجەرى د. تەگەنبايەۆ، ەكسپەديتسيا جەتەكشىسى ءا. احمەدجانوۆ، جول نۇسقاۋشى ب. ىزماعامبەتوۆ جانە «QazaqGeography» ر ق ب باسپا ءسوز قىزمەتىنىڭ قىزمەتكەرى ا. جۇماتايەۆا باسپا ءسوز ءماسليحاتىن وتكىزدى.
ۇيىمداستىرۋشىلاردىڭ ايتۋىنشا، جوبانىڭ نەگىزگى ماقساتى — ەكسپەديتسيا كەزىندە تۋريستىك نىسانداردى تىزبەكتەۋ، ينفراقۇرىلىمدى جاقسارتۋ بويىنشا ۇسىنىستار ەنگىزۋ جانە جاڭا ترانسشەكارالىق باعىتتاردى قۇرۋ ارقىلى ىشكى جانە سىرتقى تۋريزمنىڭ الەۋەتىن دامىتۋ. شەتەلدىك قوناقتار قازاقستان، وزبەكستان جانە قىرعىزستان تاريحىمەن تانىسۋعا جانە وسى اۋماقتا ءومىر سۇرگەن بايىرعى حالىقتار مادەنيەتىن تاماشالاۋعا قىزىعۋشىلىق تانىتادى.
اتالمىش ەكسپەديتسيا ق ر تۇڭعىش پرەزيدەنتى - ەلباسى ن. نازاربايەۆتىڭ «ۇلى دالانىڭ جەتى قىرى» ماقالاسى جانە «رۋحاني جاڭعىرۋ» باعدارلاماسى اياسىندا قازاقستاننىڭ مادەني-گەوگرافيالىق وبەكتىلەرىنىڭ تۋريستىك الەۋەتىن پايدالانۋ مىندەتىن تولىق جۇزەگە اسىرىلۋىنا ەداۋىر ۇلەس قوساتىندىعىن اتاپ وتكەن ءجون.
باسپا ءسوز كونفەرەنتسياسىنان كەيىن كاسىپقويلار توبى قازاقستان، قىرعىزستان جانە وزبەكستان باعىتىنان تۇراتىن ون ءۇش كۇندىك ەكسپەديتسياعا اتتاندى. ەكسپەديتسيا قۇرامىندا بىلىكتى جۋرناليستتەر، فوتوگرافتار، تەلەارنالاردىڭ ءتۇسىرىلىم توبى، تۋريستىك بلوگەرلەر مەن تۋروپەراتورلار بار. ساپاردىڭ ناتيجەسى بويىنشا ەلىمىزدىڭ تابيعي نىساندارى بويىنشا جاڭا تۋريستىك باعىتتار، ساپالى فوتو-جانە ۆيدەوبانكتەر قۇرىلادى. بولاشاقتا بۇل اقپارات كورشىلەس قىرعىزستان، وزبەكستان ەلدەرىنىڭ جانە وتاندىق تۋركومپانيالارعا بەرىلەتىن بولادى.
ەكسپەديتسيا قۇرامى كەلەسى باعىت بويىنشا ءجۇرىپ وتپەك: الماتى قالاسى – ۇ ا ك - ەسىك اڭعارى - شارىن شاتقالى - كولساي - قاراكول - كادجي- ساي - توكموك - سۋسامىر - تالاس - تاراز - اقمەشىت ۇڭگىرى - ساۋران - تۇركىستان - ارىستان- باب - وتىرار - شىمكەنت - تاشكەنت - سامارقان - قازىعۇرت - مەركە - تاڭبالى - الماتى قالاسى.
قاتىسۋشىلاردىڭ ەرەكشە ساياحاتى الماتى وبلىسىنىڭ كورنەكى جەرلەرىنەن باستالادى: ۇلكەن الماتى كولى (ب ا و)، «مەدەۋ»، «شىمبۇلاق»، شارىن شاتقالدارى. ودان ءارى «تيان-شاننىڭ كوك مارجانى» اتالىپ كەتكەن كولساي كولدەرىنە قاراي جول تارتادى. ءۇشىنشى كۇنى قىرعىزستان شەكاراسىنان اسۋ جوسپارلانعان. ءۇش كۇن بويى قاتىسۋشىلار ىستىقكولدىڭ اكىمشىلىك ورتالىعىن جانە قاراكول قالاسىن، جەتى- وعىز شاتقالىن، تەرىسكەي الا- توو جوتاسىنىڭ سولتۇستىك باۋرايىندا ورنالاسقان بارسكوون شاتقالىن ارالايدى.
ءارى قاراي قاتىسۋشىلار ۇلى جىبەك جولىنىڭ ورتالىعىندا ورنالاسقان ازيا مەن ەۋروپا اراسىنداعى ساۋدا جولدارىن بىرىكتىرگەن ەجەلگى تارازعا تابان تىرەيدى. مۇندا ولار كوپتەگەن تاريحي ەسكەرتكىشتەرمەن تانىسادى: قاراحان كەسەنەسى، ەجەلگى ساۋلەتتىڭ ناعىز جاۋھارلارى — باباجي- حاتۋن مەن ايشا ءبيبى كەسەنەلەرى، اقىرتاس جانە ەجەلگى تاراز ارحەولوگيالىق كەشەنى، ت. ب. سونداي-اق، اشىق اسپان استىنداعى ارحەولوگيالىق ەسكەرتكىش، يۋنەسكونىڭ قورعاۋىنداعى وتىرار قالاشىعىنا بارادى. ودان ءارى قاتىسۋشىلار كورشىلەس وزبەكستاننىڭ ەرەكشە جەرلەرىن ارالاپ وتپەكشى. جوسپار بويىنشا، جوبا 1-قىركۇيەكتە الماتى قالاسىندا اياقتالادى.