رەسەي قازاقستاننان كەلەتىن قۇس ەتىنە شەكتەۋدى الىپ تاستادى

نۇر-سۇلتان. قازاقپارات - رەسەيدىڭ «روسسەلحوزنادزور» قازاقستاندىق بەس كاسىپورىننان شەكتەۋدى الىپ تاستايدى، دەپ حابارلايدى قازاقپارات ق ر ا ش م باسپا ءسوز قىزمەتىنە سىلتەمە جاساپ.

«ق ر ا ش م ۆەتەرينارلىق باقىلاۋ جانە قاداعالاۋ كوميتەتىنە ر ف ۆەتەرينارلىق جانە فيتوسانيتارلىق قاداعالاۋ جونىندەگى فەدەرالدىق قىزمەتىنەن بەس قازاقستاندىق كاسىپورىننان ۋاقىتشا شەكتەۋلەردى الىپ تاستاۋعا قاتىستى حات كەلىپ ءتۇستى»، دەلىنگەن حابارلامادا.

ق ر ا ش م ۆ ب ك ك مەن روسسەلحوزنادزور اراسىندا وتكىزىلگەن بەينەكونفەرەنتسيا بارىسىندا قول جەتكىزىلگەن ۋاعدالاستىقتارعا سايكەس، سونداي-اق كوميتەت بەرگەن كەپىلدىكتەردى ەسكەرە وتىرىپ، روسسەلحوزنادزور 21- تامىزدان باستاپ كەلەسى قازاقستاندىق كاسىپورىنداردان ۋاقىتشا شەكتەۋلەردى الىپ تاستادى: «وسكەمەن قۇس فابريكاسى» ا ق، ج ش س «ADM Investment»، ج ش س «ورداباسى-قۇس»، ج ش س «پاريج كوممۋنا XXI»، ۇ ك پ ج ش س «Kazakh Osseter».

سونداي-اق ۆەتەرينارلىق باقىلاۋ جانە قاداعالاۋ كوميتەتى 15 قازاقستاندىق كاسىپورىنداردان 3 ايلىق مەرزىمنىڭ اياقتالۋىنا بايلانىستى كۇشەيتىلگەن زەرتحانالىق باقىلاۋ رەجىمىن الىپ تاستادى: ج ش س «مياسكوم»، ج ش س «كۋبلەي»، ج ش س «كۋزميچ»، ج ش س «سەينار»، ج ك «كالينين م. س.»، ج ش س «شارباقتى قۇس»، ج ش س «كاسپي بالىق»، ج ش س «وسكەمەن»، ج ش س «كومپانيا كامەرتون»، ج ش س «مولپرودۋكت»، ج ش س «سەرگەيەۆكا ءسۇت ونىمدەرى»، پ ك «الماتى بالىق زاۋىتى»، ج ش س «Magic fish»، ج ش س«ەليپس سيفۋد»، ج ش س «سولياريس سيفۋد».

وسىنىڭ ارقاسىندا جوعارىدا اتالعان كاسىپورىندار رەسەيلىك سەرىكتەستەرمەن ساۋدا قاتىناستارىن قالپىنا كەلتىرىپ، ءوز ونىمدەرىن ەكسپورتتاي الادى.