نايزاعاي، جەل، جاڭبىر-بۇرشاق - سارسەنبىگە ارنالعان اۋا رايى بولجامى

نۇر-سۇلتان. قازاقپارات - سينوپتيكتەردىڭ بولجاۋىنشا، سارسەنبى كۇنى جاڭبىر جاۋىپ، نايزاعاي وينايدى، جەل كۇشەيەدى، كەي جەرلەردە بۇرشاق جاۋىپ، داۋىل سوعۋى ىقتيمال، دەپ حابارلايدى قازاقپارات قازگيدرومەتكە سىلتەمە جاساپ.

«21- تامىزدا اتموسفەرالىق اعىنداردىڭ وتۋىنە بايلانىستى ەلىمىزدىڭ سولتۇستىك، ورتالىق، شىعىس بولىگىندە جاۋىن جاۋادى، سولتۇستىكتە كەي جەرلەرلەردە قاتتى نوسەر جاۋادى. كەي جەرلەردە نايزاعاي، جەل كۇشەيۋى، داۋىل كۇتىلەدى، بۇرشاق جاۋۋى مۇمكىن، سولتۇستىكتە تۇندە جانە تاڭەرتەڭ تۇمان كۇتىلەدى»، دەلىنگەن بولجاۋدا.

سولتۇستىك قازاقستان، قوستاناي جانە اقمولا وبلىستارىندا داۋىل كۇتىلەدى، كەي جەرلەردە بۇرشاق جاۋۋى مۇمكىن، تۇندە جانە تاڭەرتەڭ كەي جەرلەردە تۇمان كۇتىلەدى، جەل 15-20 م/س كۇشەيەدى.

تۇركىستان، كۇندىز قاراعاندى، شىعىس قازاقستان، پاۆلودار وبلىستارىنىڭ كەي جەرلەرىندە جەل 15-20 م/س كۇشەيەدى، تۇندە پاۆلودار وبلىسىندا تۇمان كۇتىلەدى.

كۇندىز اتىراۋ، اقتوبە وبلىستارىندا، ماڭعىستاۋ، باتىس قازاقستان وبلىستارىنىڭ كەي جەرلەرىندە قاتتى ىستىق كۇتىلەدى.

قىزىلوردا، تۇركىستان وبلىستارىندا، قاراعاندى وبلىسىنىڭ باسىم بولىگىندە، جامبىل، شىعىس قازاقستان وبلىستارىنىڭ كەي جەرلەرىندە، اقتوبە وبلىسىنىڭ وڭتۇستىك بولىگىندە، پاۆلودار وبلىسىنىڭ سولتۇستىك-شىعىسىندا وتە جوعارى ءورت قاۋىپى ساقتالادى.