+7 (701) 759 90 19 Лента
13 °С : نۇر-سۇلتان
15 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

التاي اۋدانىندا جوعالعان ءسابيدىڭ دەنەسى ءوز ءۇيىنىڭ اۋلاسىنداعى قۇدىقتان تابىلدى

20 تامىز 17:29
:ءبولىسۋ
التاي اۋدانىندا جوعالعان ءسابيدىڭ دەنەسى ءوز ءۇيىنىڭ اۋلاسىنداعى قۇدىقتان تابىلدى

نۇر- سۇلتان. قازاقپارات - شىعىس قازاقستان وبلىسىنىڭ التاي اۋدانىنا قاراستى سرەديگورنوە اۋىلىندا جوعالىپ كەتكەن ءسابيدىڭ مۇردەسى ءوز ءۇيىنىڭ اۋلاسىنداعى قۇدىقتان تابىلدى. بۇل جايىندا شىعىس قازاقستان وبلىستىق پوليتسيا دەپارتامەنتىنەن ءمالىم ەتتى، دەپ حابارلايدى قازاقپارات ءتىلشىسى.

«20 - تامىز كۇنى التاي اۋدانىنا قاراستى سرەديگورنوە اۋىلىندا پوليتسيا قىزمەتكەرلەرى قۇدىقتاعى سۋدى سورىپ الىپ، ءتۇبىن لايدان تازالاۋ ارقىلى قوسىمشا تەكسەرۋگە باستاماشىلىق جاسادى. قايتا قاراۋ بارىسىندا زارداپ شەگۋشىنىڭ اۋلاسىندا ورنالاسقان قۇدىقتا، لاي استىنان 2017 -جىلى دۇنيەگە كەلگەن ءسابي ءاليحان تالعاتوۆتىڭ مۇردەسى تابىلدى»، - دەلىنگەن پوليتسيا دەپارتامەنتى تاراتقان اقپاراتتا.

قازىرگى ۋاقىتتا پوليتسيا دەپارتامەنتىنىڭ جەدەل تەرگەۋ توبى تەكسەرۋ جۇمىستارىن جۇرگىزىپ جاتىر. كوميسسيالىق سوت- مەديتسينالىق ساراپتاما تاعايىندالعان. ءسابيدىڭ مۇردەسى سوت ساراپتامالارى ورتالىعىنا جىبەرىلگەن.

بۇعان دەيىن پوليتسيا قىزمەتكەرلەرى مەن ەرىكتىلەر شىعىس قازاقستان وبلىسىنىڭ التاي اۋدانىندا جوعالىپ كەتكەن 2 جاسقا تولماعان ءسابيدى ىزدەپ جاتقانىن حابارلاعان ەدىك.

اۆتور: مارلان جيەمباي


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات