قازاقستاننىڭ اسكەري ۇشقىشتارى رەسەيدەگى بايقاۋدا ەكىنشى ورىن الدى
قازاقستاننىڭ رەسەيدەگى ەلشىلىگىنىڭ رەسمي سايتىندا ءمالىم ەتىلگەندەي، جويعىش ۇشاقتار اراسىنداعى سىنعا تۇسكەن اۋە قىراندارىنىڭ ءبىلىمى مەن ماشىعى 3 كەزەڭ بويىنشا باعالاندى. العاشقىسىندا ەكيپاج مۇشەلەرىنىڭ فيزيكالىق دايىندىعى سارالاندى. ياعني، ماماندار كەرمەگە تارتىلىپ، سۋدا جۇزگەن. بۇدان كەيىن بايقاۋعا قاتىسۋشىلاردى ارنايى دوڭگەلەكتە اينالدىرىپ، شىدامدىلىعى تەكسەرىلگەن.
ەكىنشى كەزەڭدە اۋە كەمەسىمەن كوككە كوتەرىلىپ، جەردەگى نىساندى ىزدەتكەن. سوڭعى سىندا قوس ۇشاق قوسارلاسا ۇشىپ، زەڭگىر كوكتە ءتۇرلى جاتتىعۋلاردى ورىندادى. سونداي- اق نىسانانى كوزدەپ اتۋ بويىنشا ءوز شەبەرلىكتەرىن كورسەتتى.
«34 مەملەكەت وكىلى قاتىسقان بايراقتى باسەكەدە ۇشقىشتار بىلتىرعى ناتيجەسىن قايتالادى. اۋە قورعانىسى كۇشتەرىنىڭ الەۋەتىن پاش ەتكەن ساڭلاقتار بۇگىن سۋ 30 سم ۇشاعىمەن تالدىقورعانعا كەلدى. ولاردى باسشىلىق قۇرام قۇتتىقتاپ، ءوز ريزاشىلىعىن ءبىلدىردى» ، - دەلىنگەن اقپاراتتا.
«بۇل ۇشقىشتاردىڭ عانا ەمەس، بۇكىل قارۋلى كۇشتەردىڭ جەكە قۇرامىنىڭ جەڭىسى. ويتكەنى، اۆيادارتسقا دايىندالۋ كەزىندە بارلىعى قاتىستى. بارلىعى دايىندالدى. وسى ويىن ارقىلى بۇكىل قاتىسقان ەلدەرگە قارۋلى كۇشتەردىڭ كۇشىن، مارتەبەسىن دالەلدەدىك دەپ ويلايمىن» ، - دەدى 21751 اسكەري ءبولىمىنىڭ اعا ۇشقىشى نۇرجان نۇربايەۆ.
«اۆيادارتس - 2019» بايقاۋىندا ءبىرىنشى ورىندى - رەسەي، ەكىنشى ورىندى بەلارۋس كومانداسى جەڭىپ الدى.