ماڭعىستاۋ تۇرعىندارى دالادان اققۋ تاۋىپ الدى

ماڭعىستاۋ وبلىسى. قازاقپارات - ماڭعىستاۋ وبلىسى بەينەۋ اۋدانىندا بورانقۇل اۋىلىنىڭ ماڭىندا تەمىرجول قىزمەتكەرلەرى ەكى اققۋ تاۋىپ الدى.

قۇستاردى ورمان شارۋاشىلىعى جانە جانۋارلار الەمى ينسپەكتسياسىنىڭ ماماندارىنا بەردى. بۇل تۋرالى وقيعانىڭ كۋاگەرى ازامات يسقاليەۆ ايتىپ بەردى، دەپ حابارلايدى قازاقپارات lada.kz سىلتەمە جاساپ.

كۇتپەگەن قوناقتاردى بۇگىن، 20 - تامىزدا تاۋىپ العان.

تەمىرجول قىزمەتكەرلەرى بورانقۇل اۋىلىنىڭ ماڭىندا ەكى اققۋدى تاپقان. ەر ادامدار قۇستارعا سۋ بەرىپ، ولاردى تاياۋ ماڭداعى سۋعا جەتكىزۋ ءۇشىن جەرگىلىكتى اتقارۋشى ورگاندارمەن بايلانىسقان.

ماڭعىستاۋ وبلىستىق ورمان شارۋاشىلىعى جانە جانۋارلار الەمى اۋماقتىق ينسپەكتسياسى اڭ اۋلاۋ شارۋاشىلىعى ءبولىمىنىڭ باسشىسى تۇرعانباي شاپاعاتوۆتىڭ ايتۋىنشا، وقيعا ورنىنا ۆەدومستۆو ماماندارى بارعان.

«قۇستاردى ۆەتەرينارلار تەكسەرگەننەن كەيىن قاراكول كولىنە الىپ بارادى» ، - دەپ ءتۇسىندىردى تۇرعانباي شاپاعاتوۆ.