جۇكتىلىگىن تولعاعى كەلگەن ۋاقىتتا عانا بىلگەن ايەل ومىرگە ۇشەم الىپ كەلدى

نۇر-سۇلتان. قازاقپارات - امەريكانىڭ وڭتۇستىك داكوتا شتاتىندا ورنالاسقان ستەردجيس قالاسىنىڭ تۇرعىنى جۇكتى ەكەندىگىن تولعاعى كەلگەن ۋاقىتتا عانا ءبىلىپ، ومىرگە ۇشەم الىپ كەلدى دەپ حابارلايدى Lenta.ru.

باسىلىمنىڭ مالىمەتىنشە، 10- تامىز كۇنى داننەتت گيلتتس (Dannette Giltz) ءىشىنىڭ قاتتى اۋىرعانىن سەزگەن.

«مەن بۇنى بۇيرەكتەگى تاستار دەپ ويلادىم، سەبەبى مەندە بۇرىننان بار ەدى»، - دەدى ول جۋرناليستەرگە بەرگەن سۇحباتىندا.

دارىگەرلەر امەريكالىق ايەلدى تەكسەرىپ، ونىڭ قۇرساعىندا ەگىزدەرى بار ەكەنىن جەتكىزگەن.

ءبىراق بوسانۋ كەزىندە ونىڭ ءۇش بالاسى، ۇل مەن ەكى قىزعا جۇكتى ەكەنى انىقتالدى.

اتا-انالار نارەستەلەردى بلەيز، دجيپسي جانە نيككي دەپ اتاعان. ۇشەمدەردىڭ سالماعى شامامەن 1,8 كەلىدەي بولدى.

«ەشقايسىمىز تابيعي جولمەن جۇكتى بولعان ۇشەمدى كورگەن جوقپىز، اناسى 34 اپتاعا دەيىن جۇكتىلىگى تۋرالى بىلمەگەن. سول سەبەپتى بارلىعى تاڭعالۋدا»، - دەدى داننەتت.

ايتا كەتەيىك، ۇشەمنەن باسقا داننەتت جانە ونىڭ 12 جىل نەكەدە تۇرعان كۇيەۋىنىڭ ەكى بالاسى بار.