12:31, 20 - تامىز 2019 | GMT +6
نۇرسۇلتان نازاربايەۆتىڭ ءۇشقوڭىر بوكتەرىندە ءان سالعان ۆيدەوسى جاريالاندى
نۇر-سۇلتان. قازاقپارات – ق ر تۇڭعىش پرەزيدەنتى - ەلباسىنىڭ ءۇشقوڭىرداعى سەرۋەندەگەن ءساتى بەينەلەنگەن ۆيدەو جاريالاندى، دەپ حابارلايدى قازاقپارات.
ەلباسى باسپا ءسوز قىزمەتىنىڭ Instagram-داعى رەسمي پاراقشاسىندا جاريالانعان ۆيدەودان قازاقستاننىڭ تۇڭعىش پرەزيدەنتى تاۋ بوكتەرىندە سەرۋەندەپ كەلە جاتىپ «ءۇشقوڭىر» ءانىن ايتقانىن كورۋگە بولادى.
«كوپتەگەن ەلدەردى ارالادىم… ءبىراق ءبارى دە ءوزىم تۋىپ-وسكەن قازاعىمنىڭ جەرىنە، الاتاۋدىڭ ءبىر بوكتەرىنە جامباستاي جىعىلعان ءۇش قوڭىر توبەگە جەتپەدى. بالالىعىمنىڭ، ساعىنىشىمنىڭ التىن قازىعى سوندا ەكەن…»، - دەپ جازادى نۇرسۇلتان نازاربايەۆ.