ۇكىمەت باسشىسى «استانا» ح ق و جۇمىسىن جەتىلدىرۋدى تاپسىردى

نۇر-سۇلتان. قازاقپارات - پرەمەر-مينيستر اسقار مامين «استانا» حالىقارالىق قارجى ورتالىعىنىڭ جۇمىسىن جەتىلدىرۋدى تاپسىردى، دەپ حابارلايدى قازاقپارات ءتىلشىسى.

«استانا» حالىقارالىق قارجى ورتالىعى ەلباسى نۇرسۇلتان ءابىش ۇلى نازاربايەۆتىڭ تىكەلەي باستاماسىمەن قۇرىلعان. قارجى ورتالىعى بيزنەستى دامىتۋدا، شەتەلدىك ينۆەستيتسيامەن قامتىپ، كاپيتالعا قول جەتكىزۋدە ماڭىزدى ءرول اتقارۋى ءتيىس. قايرات كەلىمبەتوۆ وسى باعىتتا ۇلكەن جۇمىس جۇرگىزىلىپ جاتقانىن باياندادى. بارلىق مەملەكەتتىك ورگاندار مەن ۇلتتىق كومپانيالار وسى الاڭدى ءتيىمدى پايدالانىپ، ونىڭ قالىپتاسۋى مەن دامۋىنا ىقپال ەتۋى كەرەك»، - دەدى پرەمەر-مينيستر ۇكىمەت وتىرىسىندا.

اسقار ءماميننىڭ ايتۋىنشا، قازىرگى كەزدە قارجى ورتالىعى حالىقارالىق جوعارى دەڭگەيگە شىققان.

«قارجى قۇرىلىمدارىمەن ۇزدىك تاجىريبەسى ەسكەرىلگەن. ەرەكشە رەجىممەن جۇمىس ىستەيدى. جالپى، ورتالىقتىڭ جۇمىسىندا بىرەگەي مەحانيزم جاسالعان. وسى رەتتە قايرات نەمات ۇلى بەكىتىلگەن جول كارتاسى بويىنشا جۇمىستى جالعاستىرىپ، قارجى ورتالىعىنىڭ جۇمىسىن جەتىلدىرۋ قاجەت. «100 ناقتى قادام: ۇلت جوسپارى» اياسىندا 2015-جىلى «استانا» ح ق و تۋرالى ارنايى كونستيتۋتسيالىق زاڭ قابىلدانىپ، ونىڭ ماقساتى مەن مىندەتتەرى، پرينتسيپتەرى انىقتالدى. وسى كونستيتۋتسيالىق زاڭعا بۇگىن ۇسىنىلىپ وتىرعان تۇزەتۋلەر قارجى ورتالىعىنىڭ ەلدىڭ نەگىزگى قارجىلىق پلاتفورماسى رەتىندە جىلدام قالىپتاسىپ، دامۋىنا مۇمكىندىك بەرەدى. سوندىقتان، سۇراقتارىڭىز بولماسا، ءتيىستى قاۋلى جوباسىنا داۋىس بەرۋدى ۇسىنامىن»، - دەدى ول.

ۇكىمەت مۇشەلەرىنىڭ ءبارى دە ءبىراۋىزدان قاۋلى جوباسىنىڭ ازىرلەنۋىن قولداپ، داۋىس بەردى.

«شەشىم قابىلداندى. قارجى مينيسترلىگى «استانا» ح ق و- مەن بىرلەسىپ، وسى زاڭ جوباسىن پارلامەنتتە ساپالى تۇردە پىسىقتاۋدى قامتاماسىز ەتۋى قاجەت. سالىق كودەكسىنە قاجەتتى وزگەرىستەردى ەنگىزۋدى تاپسىرامىن. بارلىق ەنگىزىلگەن وزگەرىستەر 2020-جىلى 1- قاڭتاردان باستاپ جۇمىس ىستەي باستاۋى كەرەك»، - دەدى اسقار مامين.