+7 (701) 759 90 19 Лента
20 °С : نۇر-سۇلتان
20 °С : الماتى
USD 385.42 EUR 424.58
RUB 6.00 CNY 54.31
جاڭالىقتار

ارىس: ءۇش بىردەي سەكتورداعى قۇرىلىس جۇمىستارى تولىق اياقتالدى

20 تامىز 08:16
:ءبولىسۋ
ارىس: ءۇش بىردەي سەكتورداعى قۇرىلىس جۇمىستارى تولىق اياقتالدى

ارىس. قازاقپارات – ارىس قالاسىندا ءۇش بىردەي سەكتورداعى قۇرىلىس جۇمىستارى تولىق اياقتالدى، دەپ حابارلايدى قازاقپارات تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇل تۋرالى ارىس قالالىق اكىمدىگىندە وتكەن اپپاراتتىق جيىندا ق ر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنبايەۆ ءمالىم ەتتى.

سەكتورلار بويىنشا اتىراۋ، جامبىل، قىزىلوردا، تۇركىستان، شىعىس قازاقستان، قوستاناي، اقمولا وبلىستارى جوندەۋ جۇمىستارىن اياقتاسا، قاراعاندى، قىزىلوردا، سولتۇستىك قازاقستان وبلىستارى جوندەۋ ءارى قالپىنا كەلتىرۋ جۇمىستارىن تولىق اياقتاپ وتىر.

قالاداعى زاقىمدانعان 7613 ءۇيدىڭ 7166 سىندا جوندەۋ جۇمىستارى جۇرسە، 447 ءۇي قايتا سالىنىپ جاتىر. قازىرگى تاڭدا 7000 ءۇيدىڭ جوندەۋ جۇمىستارى تولىق اياقتالىپ، 23 ءۇي قايتا سالىنىپ ءبىتتى. قالعان ۇيلەردىڭ قۇرىلىس-جوندەۋ جۇمىستارىن 1- قىركۇيەككە دەيىن تولىق اياقتاۋ جوسپارلانىپ وتىر.

جيىندا وبلىس باسشىسى ءومىرزاق شوكەيەۆ قۇرىلىس جۇمىستارى كەنجەلەپ تۇرعان سەكتورلارعا جاۋاپتى وبلىس وكىلدەرىنە جۇمىستى تەزدەتۋدى تاپسىرىپ، قىركۇيەك ايىنا دەيىن تولىق اياقتاۋدى جۇكتەدى.

سونداي-اق، باسقوسۋدا بايانداما جاساعان «سامۇرىق-قازىنا» جىلجىمايتىن مۇلىك قورى» ا ق باسقارماسىنىڭ ءتوراعاسى ارمان جەتپىسبايەۆ ارىس قالاسىنداعى 68 الەۋمەتتىك نىساننىڭ 56 سىندا قۇرىلىس جۇمىستارى اياقتالىپ، 12 نىسان الداعى اپتا تۇگەل پايدالانۋعا بەرىلەتىنىن جەتكىزدى. سونىمەن قاتار، جيىندا وبلىستىق قارجى باسقارماسىنىڭ باسشىسى ابدراحمان تاسىبايەۆ ارىستىقتارعا بەرىلەتىن 100 مىڭ تەڭگە الەۋمەتتىك جاردەماقىنى بەرۋ جۇمىستارى بويىنشا 5 ميلليارد 67 ميلليون تەڭگەنىڭ حالىققا ۇلەستىرىلگەنىن باياندادى.

بۇدان وزگە، وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى رولان يبراگيموۆ ارىس قالاسىندا كوكتەم مولتەكاۋدانى مەن اقىمبەكوۆ، قونايەۆ سىندى ورتالىق كوشەلەردىڭ جوندەۋ جۇمىستارى قىركۇيەك ايىندا تولىق اياقتالاتىنىن ايتتى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات