قوستاناي وبلىسىندا ۇزدىك پەداگوگتار وداعى قۇرىلادى

قوستاناي. قازاقپارات - قوستاناي وبلىسىندا ەلدەگى تۇڭعىش ۇزدىك پەداگوگتار وداعى قۇرىلادى. بۇل تۋرالى بۇگىن تامىز كەڭەسى بارىسىندا وبلىستىق ءبىلىم باسقارماسىنىڭ باسشىسى ۆاسيلي تسىمباليۋك ايتى، دەپ حابارلايدى قازاقپارات.

قوستاناي وبلىسىندا جوعارى بىلىكتى كادرلاردى دايارلاۋ بويىنشا اۋقىمدى جۇمىستار جۇرگىزىلۋدە. ءبىلىم باسقارماسىنىڭ باسشىسى ۆاسيلي تسىمباليۋكتىڭ سوزىنشە، جاھاندىق تەندەنتسيالار جاعدايىندا ءبىلىم بەرۋ ساپاسىن جاقسارتۋ يننوۆاتسياعا نەگىزدەلگەن. تيىسىنشە، بۇل مىندەتتى ىسكە اسىرۋدا بىلىكتى وقىتۋشىلاردىڭ ءرولى ەرەكشە.

«بۇگىنگى تاڭدا وبلىس مەكتەپتەرىندە 12 مىڭعا جۋىق ءمۇعالىم جۇمىس ىستەيدى، ولاردىڭ% 56 جوعارى جانە ءبىرىنشى ساناتتى. 3 مىڭعا جۋىق ءمۇعالىم ۇلتتىق بىلىكتىلىك تەستىنەن ءساتتى ءوتىپ، 30-دان% 50 دەيىن جالاقى ۇستەمەاقىسىن الادى. جالپى، وبلىستا وقىتۋشىلار قۇرامى تولىعىمەن جاساقتالدى. پەداگوگ ءيميدجىن قالىپتاستىرۋدا ايماقتىڭ ۇزدىك مۇعالىمدەرىنىڭ وداعى ماڭىزدى ءرول اتقاراتىندىعى ءسوزسىز. مۇنداي وداقتىڭ قازاقستاندا بالاماسى جوق. قازىرگى ۋاقىتتا ونى زاڭدى تۇردە تىركەۋ جۇمىستارى جۇرگىزىلۋدە» ، - دەپ حابارلادى باسقارما باسشىسى.

بۇل جولعى تامىز كونفەرەنسياسى «جاھاندىق قۇندىلىقتار جانە قازاقستاندىق ءبىلىم بەرۋدىڭ ساپاسى: قوستاناي وبلىسىنىڭ ءبىلىم بەرۋ جۇيەسىن دامىتۋ ۇردىستەرى مەن پەرسپەكتيۆالارى» تاقىرىبىن ارقاۋ ەتتى. كەڭەستە وبلىس پەداگوگتارى اتقارعان ىستەرگە باعا بەرىلىپ، جوسپار بەكىتىلدى. جيىن سوڭىندا ۇزدىك مۇعالىمدەر ى. التىنسارين اتىنداعى جانە ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرىمەن، ق ر ءبىلىم جانە عىلىم مينيسترلىگىنىڭ، وبلىس اكىمىنىڭ قۇرمەت گراموتالارىمەن ماراپاتتالدى.