ولگينكاداعى ءسىبىر جاراسى: كارانتين قاشان الىنادى

نۇر- سۇلتان. قازاقپارات - بۇگىن ق ر اۋىل شارۋاشىلىعى مينيسترلىگىندە ارنايى باسپا ءسوز ءماسليحاتى ءوتىپ، وندا اقمولا وبلىسىنداعى ەپيزووتيكالىق احۋال جايى كەڭىنەن قوزعالدى، دەپ حابارلايدى قازاقپارات ءتىلشىسى.

«ولگينكا اۋىلىندا بارلىق مال باسى باقىلاۋعا الىندى. مۇنداي وقيعا 1998 -جىلى ولگينكا اۋىلىنا تاقاۋ نيكولايەۆكا ەلدى ەكەنىندە تىركەلگەن. ەندى 15 كۇننەن كەيىن ولگينكا اۋىلىنداعى كارانتيندى الىپ تاستايمىز. ءبىراق، باقىلاۋ جالعاسادى» ، - دەدى ق ر ا ش م ۆەتەرينارلىق باقىلاۋ جانە قاداعالاۋ كوميتەتىنىڭ ءتوراعاسى ارمان وتەعۇلوۆ.

ەسكە سالايىق، 16 - تامىزدا اقمولا وبلىسىنىڭ ارشالى اۋدانىنا قاراستى ولگينكا اۋىلىندا تۇينەمەگە قاتىستى كارانتين جاريالاندى. 5 تۇرعىن اۋرۋحاناعا جاتقىزىلىپ، قازىر سىنامالار زەرتتەلىپ جاتىر. اۋرۋحانادا جاتقانداردىڭ جاعدايى تۇراقتى. ولگينكا اۋىلىندا ءۇي جانۋارلارى اراسىندا تۇينەمە بەلگىسى انىقتالعان جوق.