16:49, 19 - تامىز 2019 | GMT +6
ەرجان باباقۇماروۆ «كوكجايلاۋعا» قاتىستى اقپاراتتارعا جاۋاپ بەردى
الماتى. قازاقپارات - الماتى اكىمىنىڭ ورىنباسارى ەرجان باباقۇماروۆ «كوكجايلاۋ» كۋرورتتى ايماعىنداعى قۇرىلىستارعا قاتىستى الەۋمەتتىك جەلىلەردە تاراعان اقپاراتقا تۇسىنىكتەمە بەردى، دەپ حابارلايدى قازاقپارات ءتىلشىسى.
قالا اكىمدىگىنەن ءمالىم ەتكەندەي، الماتى بيلىگى مەملەكەت باسشىسى قاسىم- جومارت توقايەۆتىڭ «كوكجايلاۋعا» قاتىستى تاپسىرمالارىن ۇستانادى.
«بۇگىن «كوكجايلاۋعا» قاتىستى ءبىرقاتار جازبالار پايدا بولدى. الىپ- قاشپا اڭگىمەلەر بولماۋى ءۇشىن تۋراسىن ايتايىن، ەل پرەزيدەنتى قاسىم- جومارت توقايەۆتىڭ كۋرورت قۇرىلىسىن كەيىنگە قالدىرۋ جونىندە تاپسىرماسى بار. اكىمدىك وسى تاپسىرمانى ۇستانادى. وزگەلەرى قارالمايدى ءارى تالقىلانبايدى» ، - دەپ كەلتىرىلگەن ە. باباقۇماروۆتىڭ ءسوزى اكىمدىكتىڭ Instagram-داعى پاراقشاسىندا.
ەستەرىڭىزگە سالا كەتەيىك، بۇعان دەيىن قازاقستان پرەزيدەنتى قاسىم- جومارت توقايەۆ «كوكجايلاۋ» تاۋ- شاڭعى كۋرورتىنىڭ قۇرىلىسىن كەيىنگە قالدىرۋدى ۇسىنىپ، ول بويىنشا ءتيىستى شەشىم قابىلدانعان بولاتىن.