14:11, 19 - تامىز 2019 | GMT +6
ق ر پرەزيدەنتى «بايتەرەك» ۇ ب ح» اكسيونەرلىك قوعامىنىڭ تاۋەلسىز ديرەكتورىن قابىلدادى
نۇر- سۇلتان. قازاقپارات - قاسىم- جومارت توقايەۆ شىعىس ەۋروپاداعى ەكونوميكالىق قاتىناستار جونىندەگى نەمىس كوميتەتىنىڭ بۇرىنعى ءتوراعاسى، «بايتەرەك» ۇ ب ح» اكسيونەرلىك قوعامىنىڭ تاۋەلسىز ديرەكتورى كلاۋس مانگولدتى قابىلدادى، دەپ حابارلايدى اقوردا.
كەزدەسۋ بارىسىندا تاراپتار قازاقستان مەن گەرمانيا اراسىنداعى ساۋدا- ەكونوميكالىق جانە ينۆەستيتسيالىق ىنتىماقتاستىقتىڭ قازىرگى جاعدايى مەن كەلەشەگىن تالقىلادى. سونداي- اق، الەم ەكونوميكاسىنىڭ دامۋىنا قاتىستى وزەكتى ماسەلەلەر جونىندە پىكىر الماستى.
قاسىم- جومارت توقايەۆ سيفرلاندىرۋ جانە جاساندى ينتەللەكت سالاسىنداعى نەمىس بيزنەسىنىڭ وكىلدەرىمەن ءوزارا ىقپالداستىقتى نىعايتۋدىڭ ماڭىزدىلىعىنا نازار اۋداردى.
كلاۋس مانگولد مەملەكەت باسشىسىنا جىل سوڭىندا گەرمانيادا قازاق- نەمىس كاسىپكەرلەرىنىڭ قاتىسۋىمەن ءىرى بيزنەس- فورۋم ۇيىمداستىرۋ تۋرالى جوسپارىن ايتتى.