+7 (701) 759 90 19 Лента
10 °С : نۇر-سۇلتان
7 °С : الماتى
USD 385.42 EUR 424.58
RUB 6.00 CNY 54.31
جاڭالىقتار

ق ر قورعانىس مينيسترلىگى الپينيستەردى قۇتقارۋ وپەراتسياسىن باستادى

19 تامىز 13:02
:ءبولىسۋ
ق ر قورعانىس مينيسترلىگى الپينيستەردى قۇتقارۋ وپەراتسياسىن باستادى

نۇر- سۇلتان. قازاقپارات – ق ر قورعانىس مينيسترلىگى قىرعىز تاۋلارىندا جوعالعان الپينيستەر مۇرات وتەپبايەۆ، اندرەي كورنەيەۆ، الەكساندر چەچۋليندى قۇتقارۋ وپەراتسياسىن باستادى.

بۇل تۋرالى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ حابارلايدى.

مينسترلىكتىڭ باسپا ءسوز قىزمەتى تاراتقان اقپاراتقا قاراعاندا، الپينيستەردىڭ ءبىرى قازا بولۋى مۇمكىن. قۇتقارۋشىلار توبىنا ايگىلى الپينيست ماقسۇت جۇمايەۆ جەتەكشىلىك ەتۋدە. توپ قۇرامىندا اعا لەيتەنانت ۆاسيلي پيۆتسوۆ پەن مايور امانجول راحمەتوۆ بار.

اسكەري قىزمەتشىلەر تاۋلىك بويى تولىق جاۋىنگەرلىك ازىرلىكتە بولدى جانە ۇشۋعا رۇقسات كۇتىپ وتىردى. ق ر توتەنشە جاعدايلار كوميتەت ۇسىنعان تىكۇشاق كومەگىمەن 4400 مەتر بيىككە كوتەرىلىپ، الپينيستەردىڭ بازالىق لاگەرىندە ىزدەستىرۋ جۇمىستارىن باستايدى.

«اۋا رايىنىڭ كۇرت ناشارلاۋىنا ىزدەۋ جۇمىستارىن قيىنداتۋدا. سوندىقتان اسكەريلەر تەپلوۆيزور قۇرالىن پايدالانباقشى. مۇنداي بيىكتىكتە جۇمىس ىستەۋ ءۇشىن جەردىڭ سىرىن بىلەتىن قۇتقارۋشىلاردى جىبەرۋ وتە ماڭىزدى بولدى. قۇتقارۋ وپەراتسياسىنا قاتىسۋشىلار جاقىندا رەسەيدىڭ جوعارعى شىڭىندا وتكەن الپينيزم بويىنشا «ەلبرۋس شەڭبەرى 2019» حالىقارالىق جارىسىنان كەلگەن بولاتىن»، - دەلىنگەن باسپا ءسوز قىزمەتىنىڭ مالىمەتىندە.



ەسكە سالساق، الماتىلىق الپينيستەر توبى قىرعىز تاۋلارىندا جوعالعان بولاتىن. الماتى قالاسىنىڭ اكىمى باقىتجان ساعىنتايەۆ تاۋدا قازاقستاندىق الپينيستەر توبىنىڭ جوعالىپ كەتۋىنە قاتىستى Instagram پاراقشاسىندا الاڭداۋشىلىق ءبىلدىردى. كەيىنىرەك جوعالعان الپينيستەردىڭ ءبىرىنىڭ قىزى الەۋمەتتىك جەلى ارقىلى قالىڭ كوپشىلىكتەن كومەك سۇرادى.

«ولار 6600 مەتر بيىكتىكتە قالىپ قويدى، تومەن تۇسۋگە ەشقانداي مۇمكىندىكتەرى جوق. اۋا- رايىنىڭ قولايسىزدىعى مەن قاجەتتى قۇرال- جابدىقتاردىڭ جەتىسپەۋىنەن الپينيستەر توبى بازالىق لاگەرگە ۋاقىتىندا تۇسە المادى. امان قالعان مۇرات وتەپبايەۆ پەن اندرەي كورنەيەۆ ەشكىممەن بايلانىسا المايدى» دەپ جازدى جوعالعان الپينيستەردىڭ ءبىرىنىڭ قىزى ايگۇل ماتاي ءوزىنىڭ Instagram پاراقشاسىندا.

ونىڭ ايتۋىنشا، قىرعىزستان ت ج م قۇتقارۋشىلار توبى م ي-8 تىكۇشاعىمەن 6600 مەتر بيىكتىككە جاقىن ايماقتاردى اينالىپ ءوتتى. الايدا، اۋا- رايىنىڭ قولايسىزدىعىنا بايلانىستى ىزدەۋ جۇمىستارى توقتاتىلدى.

«اۋا- رايى قولايسىز بولعاندىقتان، قۇتقارۋ توبىن جاياۋ جىبەرۋگە بولادى. ازاماتتىق تىكۇشاقتار بيىكتىكتەگى شامادان تىس قىسىمعا توتەپ بەرە المايدى. دوستار، قازاقستاندىقتار، مۇنداي جاعدايدا كومەكتەسۋلەرىڭىزدى سۇرايمىز!. ءبىز ءار كۇنىمىزدى ولاردىڭ ءتىرى ەكەنىنە دەگەن ۇمىتپەن وتكىزىپ كەلەمىز. اكەمنىڭ جولداستارى، ولاردىڭ امان- ەسەن ۇيگە ورالۋىنا كومەكتەسىڭىزدەر. بىزگە التىنشى ساناتتاعى تاۋلارعا شىعۋ قۇقىعى بار كاسىبي الپينيستەر قاجەت. جول قيىن، ءبىراق ءۇمىت بار. قازىرگى ۋاقىتتا مۇزدىقتا الپينيستەر جوق. مەن سونىمەن قاتار قىرعىزستاننىڭ ەڭ تاجىريبەلى الپينيستەرىنە جۇگىنەمىن»، - دەگەن قىز ءوزىنىڭ بايلانىس ءنومىرىن قالدىرىپ.

اۆتور: ەسىمجان ناقتىباي


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات