+7 (701) 759 90 19 Лента
15 °С : نۇر-سۇلتان
12 °С : الماتى
USD 386.77 EUR 427.26
RUB 6.00 CNY 54.56
جاڭالىقتار

ەلىمىزدە جۇرگىزۋشى كۋالىگىن الۋ جەڭىلدەيدى

19 تامىز 12:49
:ءبولىسۋ
ەلىمىزدە جۇرگىزۋشى كۋالىگىن الۋ جەڭىلدەيدى

نۇر- سۇلتان. قازاقپارات - جۇرگىزۋشى كۋالىگىن الاتىن كولىك يەلەرى ءۇشىن مەديتسينالىق تەكسەرىستەن ءوتۋ رەتى جەڭىلدەيدى، دەپ حابارلايدى قازاقپارات «ازاماتتارعا ارنالعان ۇكىمەتتىڭ» باسپا ءسوز قىزمەتىنە سىلتەمە جاساپ.

«ازاماتتارعا ارنالعان ۇكىمەت» كولىك جۇرگىزۋگە رۇقسات بەرەتىن قۇجاتتى الۋ ءۇشىن تالاپ ەتىلەتىن 083 ۇلگىسىندەگى مەديتسينالىق انىقتاماعا وزگەرىستەر ەنگەن.

«بۇدان بىلاي جۇرگىزۋشى كۋالىگىن راسىمدەۋ بارىسىنداعى مەديتسينالىق كوميسسيا قۇرامى 7 دارىگەردەن 4-كە دەيىن قىسقاردى. ەندى تەراپيەۆت، وكۋليست، وتورينولارينگولوگ، پسيحياتر- ناركولوگ دارىگەرلەرىنىڭ تەكسەرىسىنەن ءوتۋ جەتكىلىكتى. سونداي- اق قان، دارەت تالداماسى، فليۋروگرافيا، پسيحواكتيۆتى زاتتاردى قابىلداۋ بويىنشا زەرتحانالىق اناليزدەردى تاپسىرۋ قاجەت ەمەس»، - دەلىنگەن تاراتىلعان حابارلامادا.

مەديتسينالىق تەكسەرىس بارىسىندا تەراپيەۆت دارىگەر قاندايدا اۋرۋلاردىڭ بار/جوعىن «ديسپانسەرلى ناۋقاستاردىڭ ەلەكتروندى ءتىزىلىمى» اقپاراتتىق جۇيەسى، ال پسيحياتريالىق نەمەسە ناركولوگيالىق ديسپانسەرلەردىڭ ەسەبىندە تۇرماۋى جونىدەگى اقپاراتتى مالىمەتتەر بازاسى ارقىلى، سونداي- اق ديسپانسەرلەردىڭ انىقتاماسى نەگىزىندە تەكسەرە الادى.

ايتا كەتەيىك، بۇگىندە جۇرگىزۋشى كۋالىگىن الۋ ءۇشىن مەديتسينالىق انىقتاما ءۇش جاعدايدا تالاپ ەتىلەدى:

جۇرگىزۋشى كۋالىگىن ءبىرىنشى رەت راسىمدەۋ بارىسىندا؛

جۇرگىزۋشى كۋالىگىنىڭ مەرزىمى ءوتىپ كەتكەندە؛

جۇرگىزۋشى كۋالىگىنەن ايىرىلعاندار قۇجاتتى قايتا راسىمدەگەندە.

جىل باسىنان بەرى 337 مىڭ قازاقستاندىق جۇرگىزۋشى كۋالىگىن الدى.


باستى سوزدەر: زاڭ جانە قۇقىق ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات