اتىراۋدا جەمىس اعاشتارى گۇلدەپ جاتىر

None
None
اتىراۋ. قازاقپارات - تامىز ورتاسىنان اۋا اتىراۋدا دا جەمىس اعاشتارى قايتا گۇلدەي باستادى، دەپ حابارلايدى قازاقپارات ءتىلشىسى.

اتىراۋدا اعاشتار توسىن مىنەز تانىتىپ وتىر. وڭىردەگى الما جانە المۇرت اعاشتارى قايتا گۇلدەي باستادى. بەلگىلى باعبان زويا كيسليتسىنانىڭ ايتۋىنشا، بۇعان اۋا رايىنداعى كۇرت وزگەرىستەر سەبەپ. ۇزاق ۋاقىت بويى ساقتالعان 40 گرادۋستىق اپتاپ ىستىقتان كەيىن كۇن سالقىنداي ءتۇسىپ، ارتىنشا تاعى دا 40 گرادۋسقا دەيىن كوتەرىلدى.

«اعاشتاردىڭ بۇلاي گۇلدەۋى ولاردى السىرەتەدى. ەگەر گۇلى وتە كوپ بولسا، اعاش قىستا ءولۋى دە مۇمكىن. ءبىراق ازىرشە ونداي قاۋىپ جوق. اعاشتار قىستان امان شىعادى دەپ ۇمىتتەنەمىز»، - دەيدى زويا كيسليتسىنا.

ەسكە سالا كەتەيىك، بىرنەشە كۇن بۇرىن تارازدا جەمىستى اعاشتار ەكىنشى رەت گۇلدەگەنى تۋرالى حابارلاعان ەدىك.

سوڭعى جاڭالىقتار