ديماش قۇدايبەرگەن يسلانديادا قالاي كليپ ءتۇسىرىپ جاتقانىن كورسەتتى

None
None
نۇر- سۇلتان. قازاقپارات - ديماش قۇدايبەرگەن رەجيسسەر الان بادويەۆپەن يسلانديادا قالاي كليپ ءتۇسىرىپ جاتقانىن كورسەتتى، دەپ حابارلايدى قازاقپارات ءتىلشىسى.

«يسلاندياداعى ۆيدەو كادرلارى. كوماندانىڭ بارلىق مۇشەسى مالمانداي سۋ بولدى. ءبىراق بۇل وعان تۇرالىق. رەجيسسەر الان بادويەۆكە كاسىبيلىگى ءۇشىن ريزاشىلىعىمدى بىلدىرگىم كەلەدى. شىنىمەن دە ول ۆيدەونى ناعىز سۋرەتشىدەي تۇسىرەتىن رەجيسسەر»، - دەپ جازدى ءانشى Instagram-داعى پاراقشاسىندا.

قازاق ءانشىسىنىڭ سارقىراما جانىندا ءان ايتىپ تۇرعان ءساتى بەينەلەنگەن ۆيدەودان تۋريستەردىڭ دە ونى تەلەفوندارىنا جاپاتارماعاي ءتۇسىرىپ جاتقانىن بايقاۋعا بولادى.

ايتا كەتەرلىگى، ديماشتىڭ جاريالاعان ۆيدەوسىنا رەسەيلىك كومپوزيتور يگور كرۋتوي پىكىر قالدىرعان.

«جارايسىڭ ديماش، جارايسىڭ الان!»، - دەپ جازدى كومپوزيتور.

الان بادويەۆ ۋكراينالىق كينورەجيسسەر، كليپمەيكەر ءارى پروديۋسسەر. شەتەلدىك ارتىستەرمەن ءجيى جۇمىس ىستەيدى. بۇعان دەيىن ديماش قۇدايبەرگەن تاياۋ ارادا «Know» انىنە كليپ تۇسىرەتىندىگىن جاريا ەتكەن بولاتىن.

اۆتور: مارلان جيەمباي


سوڭعى جاڭالىقتار