+7 (701) 759 90 19 Лента
9 °С : نۇر-سۇلتان
17 °С : الماتى
USD 385.16 EUR 425.95
RUB 6.01 CNY 54.51
جاڭالىقتار

ەلجان شىنار ۇلى قىتاي قۇراماسىنا قابىلداندى - شەتەلدەگى قازاق ءتىلدى ب ا ق- قا شولۋ

17 تامىز 14:01
:ءبولىسۋ
ەلجان شىنار ۇلى قىتاي قۇراماسىنا قابىلداندى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

ەلجان شىنار ۇلى قىتاي قۇراماسىنا قابىلداندى - قىتايدىڭ «ورتالىق حالىق راديوسى» (CNR)



ەلجان شىنار ۇلى فۋتبولدان 20 جاسقا دەيىنگى قىتاي جاستار قۇراماسىنا شاقىرتۋ الدى، دەپ جازادى قىتايلىق kazakcnr.com سايتى.




اتالعان دەرەككوزدىڭ مالىمەتىنشە، ق ح ر فۋتبول فەدەراتسياسى قىتايدىڭ U-20 قۇراماسىنا شاقىرتۋ العان فۋتبولشىلاردىڭ ءتىزىمىن جاريالاعان. ولاردىڭ قاتارىندا قىتاي ەلىندە تۇراتىن قانداسىمىز ەلجان شىنار ۇلىنىڭ ەسىمى دە اتالادى. ەلجان قىتاي سۋپەرليگاسىندا ونەر كورسەتەتىن «شەنچجەن» كلۋبىندا وينايدى. ول قۇراماداعى ۇزدىك ويىنشىلاردىڭ ءبىرى بولعان. ال الداعى ۋاقىتتا قىتاي جاستار قۇراماسى قحر ۇلتتىق قۇراماسىنىڭ وقۋ- جاتتىعۋ بازاسىندا ءبىر اي دايىندالىپ، سەربيادا جولداستىق كەزدەسۋ وتكىزەدى. ەلجان شىنار ۇلى - 1999 -جىلى ق ح ر- نىڭ التاي ايماعى، بۋرىلتوعاي اۋدانىندا تۋعان.

پوليتسيا قىزمەتكەرلەرى اراسىنداعى الەمدىك جارىستا بەكنۇر قالي ۇلى جەڭىمپاز اتاندى - kaznews.mn



قىتايدىڭ چەندۋ قالاسىندا ءوتىپ جاتقان پوليتسيا قىزمەتكەرلەرى مەن ءورت سوندىرۋشىلەرى اراسىنداعى دۇنيەجۇزىلىك جارىستا كاراتەشى بەكنۇر قالي ۇلى جەڭىمپاز اتاندى، دەپ جازادى موڭعوليانىڭ KAZNEWS اقپارات پورتالى.

«بۇل جارىستا موڭعوليانىڭ نامىسىن بايان- ولگەي ايماعىنان كەلگەن بەكنۇر قالي ۇلى قورعاعان بولاتىن. ول كاراتەدەن وزىنە قارسىلاس شاق كەلتىرمەي، جەڭىستىڭ بيىك تۇعىرىنان كورىندى. سونىمەن قاتار بەكنۇر بوكستا دا اۋىر سالماقتا سىنعا تۇسۋدە. ول جارتىلاي فينالدا قىتايلىق بىلعارى قولعاپ شەبەرىن جەڭدى. ايتا كەتەيىك، بۇل جارىس ءتورت جىلدا ءبىر رەت ۇيىمداستىرىلادى، پوليتسيا قىزمەتكەرلەرى مەن ءورت سوندىرۋشىلەر اراسىنداعى وليمپيادا دەپ رەتىندە تانىلعان. اتالعان سپورتتىق باسەكە تامىز ايىنىڭ 8-18 كۇندەرى ارالىعىندا قىتايدىڭ چەندۋ قالاسىندا ءوتىپ جاتىر»، - دەپ جازادى KAZNEWS.

قازاقتىڭ كوركەم جازۋ شەبەرلەرى بەيجىڭدەگى «قۇسنيحات» كورمەسىنە قاتىستى - «جەنمين جيباو» (People Daily)



بەيجىڭدەگى ۇلتتار مادەنيەت سارايىندا قىتايداعى ءتۇرلى ۇلت وكىلدەرىنىڭ قۇسنيحات تۋىندىلارى مەن تاريحي قۇجاتتار كورمەسى ءوتتى، دەپ حابارلايدى kazakh.people.com.cn سايتى.



«ونەر كورمەسىنە قىتاي، قازاق موڭعول، تيبەت، ۇيعىر، كورەي سەكىلدى 51 ۇلتتىڭ جازۋىنداعى، 200-دەن استام «قۇسنيحات» تۋىندىسى مەن 100-دەن استام تاريحي قۇجات (كىتاپ، جۋرنال، گازەت) قويىلعان. اتالعان شاراعا 96 قۇسنيحاتشى مەن ونەرتانۋشى مامان قاتىستى. كورمەگە قويىلعان ءارتۇرلى ۇلتتاردىڭ ءتول جازۋىمەن قاعازعا بەدەرلەنگەن «قۇسنيحات» تۋىندىلارى اسەمدىگىمەن، ايشىقتى شەبەرلىگىمەن، سوزدەرىنىڭ ءماندى، مازمۇندى قۇندىلىعىمەن ەرەكشەلەندى. اتالعان شارانىڭ ماقساتى قىتايدا قونىستانعان ۇلتتاردىڭ كوركەم جازۋ مادەنيەتىن، ونەر يەلەرىنىڭ شەبەرلىگىن ناسيحاتتاۋ»، - دەپ جازادى People Daily.





ەستەرىڭىزگە سالا كەتەيىك، «قۇسنيحات» (كوركەم جازۋ ونەرى) - «سۇلۋلىق، ادەمىلىك، كوركەمدىك» دەگەن ماعىنانى بەرەتىن اراب تىلىندەگى «حۇسن» سوزىنەن شىققان. بۇل ونەر قىتاي قازاقتارى اراسىندا كەڭ قانات جايعان. ونداعى قانداستارىمىزدىڭ ورتاسىندا احمەت بايتۇرسىن ۇلىنىڭ توتە جازۋ الىپپەسى نەگىزىندە ءار ءتۇرلى ناقىل، عاقليا جانە باسقا سوزدەردى كوركەمدەپ جازۋ ءداستۇرى قالىپتاسقان.

دارحان ساتىبالدى اباي ولەڭدەرىن وقۋ ەستافەتاسىن جالعاستىردى - «ءوزا» اقپاراتتىق اگەنتتىگى



قازاقستان رەسپۋبليكاسىنىڭ وزبەكستانداعى توتەنشە جانە وكىلەتتى ەلشىسى دارحان امانگەلدى ۇلى قازاقتىڭ ۇلى اقىنى اباي قۇنانباي ۇلىنىڭ 175 -جىلدىق مەرەيتويىنا وراي ۇيىمداستىرىلعان چەلەندجدى قولداپ، وزىنە جولدانعان ەستافەتانى ابايدىڭ «نۇرلى اسپانعا تىرىسىپ وسكەنسىڭ سەن» اتتى ولەڭىمەن جالعاستىردى، دەپ حابارلايدى وزبەكستاننىڭ «ءوزا» مەملەكەتتىك اقپارات اگەنتتىگى.

«دارحان امانگەلدى ۇلى ەستافەتانى وزبەكستان رەسپۋبليكاسىنىڭ جوعارعى ءماجىلىسى زاڭ شىعارۋشى پالاتاسىنىڭ ءتوراعاسى نۋردينجون يسمويلوۆتان قابىل الىپ، ونى ابايدىڭ «نۇرلى اسپانعا تىرىسىپ وسكەنسىڭ سەن» اتتى ولەڭ شۋماقتارىن وقىپ، وسى باستامانى ودان ارمەن جالعاستىرۋ ءۇشىن وزبەكستان جازۋشىلار وداعى ءتوراعاسىنىڭ ءبىرىنشى ورىنباسارى، كورنەكتى اقىن مينحوجيددين حودجيماتوۆقا جانە قازاقستان رەسپۋبليكاسى پارلامەنتى سەناتىنىڭ دەپۋتاتى مۇرات باقتيار ۇلىنا جولدادى» ، - دەپ جازادى «ءوزا» اقپارات اگەنتتىگى.

قىتايدا موڭعول حالقىنىڭ «نادام» مەرەكەسى تويلاندى - «جەنمين جيباو» (People Daily)



قىتايدىڭ ىشكى موڭعوليا اۆتونوميالى ولكەسىنىڭ شينلينعول ايماعىندا موڭعول حالقىنىڭ ءداستۇرلى «سارى كۇزدەگى نادام» مەرەكەسى تويلاندى، دەپ حابارلايدى kazakh.people.com.cn سايتى.






«سارى كۇزدەگى نادام» مەرەكەسى شينلينعول ايماعىنىڭ ۇجىمچين اۋىلىندا شىمىلدىعىن اشتى. بۇل كەزەكتى «نادام» جينالىسىندا موڭعولشا كۇرەس، ات بايگەسى، ساداق اتۋ جانە ۇلتتىق كيىم- كەشەك كورمەسى سىندى ءىس- شارالار وتكىزىلدى. نادام - موڭعول تىلىندە كوڭىل اشار نەمەسە ويىن- ساۋىق دەگەن ماعىنانى بىلدىرەدى. ءار جىلى جاز بەن كۇزدە جايلاۋداعى مالشىلار مول ءونىم شاتتىعىن تويلاپ، ەل مەن جەردىڭ ىرىستى، قۇتتى بولۋىن تىلەپ باس قوسادى. نازارلارىڭىزعا وسى مەرەكەلىك ءىس- شارا اياسىندا، «سينحۋا» اقپارات اگەنتتىگىنىڭ ءتىلىشىسى تۇسىرگەن فوتورەپورتاجدى ۇسىنامىز»، - دەپ جازادى People Daily.




الەمدەگى ەڭ جىڭىشكە التىن ءوندىرىلدى - TRT

ۇلى بريتانيادا الەمدەگى ەڭ جىڭىشكە التىن ءوندىرىلدى. التىندى ءوندىرۋ ءۇشىن قولدانىلعان ادىستەر نانوماتەريالدارمەن جۇمىستا پايدالانىلادى، دەپ جازادى تۇركيا راديو تەليەۆيزيا پورتالى.



« Phys.orgپاراقشاسىنىڭ حابارلاۋىنشا، ليدس ۋنيۆەرسيتەتى عالىمدارى قالىڭدىعى نەبارى 0.47 نانومەتر جانە 2 اتوم عانا بولاتىن، ياعني ادام تىرناعىنان 1 ميلليون ەسە جىڭىشكە التىن ءوندىردى.

الەمدەگى ەڭ جىڭىشكە التىن مەديتسينادا، ەلەكتروندىق جانە اقپاراتتىق زاتتار ونەركاسىبىندە قولدانىلادى.

عالىمداردىڭ پايىمداۋىنشا، وتە جىڭىشكە التىن مەديتسينالىق جيھازدار جانە سۋ تازالاۋ جۇيەلەرىندە قولدانىلاتىن جاساندى فەرمەنتتەردىڭ نەگىزىن قالىپتاستىرادى.

وسى جۇمىس توبىنىڭ جەتەكشىسىنىڭ ايتۋىنا قاراعاندا قولدانىلعان ادىستەر نانوماتەريالدار وندىرۋدە ماڭىزدى ءارى تابىستى قادام بولعان. سۋ استىنداعى ءتۇسى جاسىل جانە ءتۇرى بالدىرعا ۇقسايتىن التىنعا عالىمدار «التىن بالدىر» دەگەن اتاۋ بەرگەن ەكەن»، - دەپ جازادى TRT.

قازاقستان ەلشىسى يراندا وتكەن كاسپيي تەڭىزى كۇنىنە ارنالعان جينالىسقا قاتىستى - «فارس» اقپارات اگەنتتىگى



يراندا كاسپيي تەڭىزى كۇنىنە وراي ۇيىمداستىرىلعان جينالىسقا وسى تەڭىز ماڭىنداعى ەلدەر ەلشىلەرى قاتىستى، دەپ حابارلايدى parstoday اقپارات اگەنتتىگى.

«كاسپي تەڭىزى كۇنىنە ارنالعان ءراسىم وسى تەڭىزدىڭ قورشاعان ورتاسىن ساقتاۋ جانە ءتۋريزمدى دامىتۋ تاقىرىبىندا تەڭىز ماڭىنداعى ەلدەر ەلشىلەرىنىڭ قاتىسۋىمەن يراننىڭ سولتۇستىگىندەگى مازاندەران وبلىسىنىڭ بوبولسار قالاسىندا ءوتتى. قازاقستان ەلشىسى اسحات ورازباي وسى راسىمدە: «كاسپيي تەڭىزى ماڭىنداعى ەلدەر وسى تەڭىزدىڭ ساياسي قۇقىقتىق جاعدايى مەن قورشاعان ورتاسى تۋرالى كونۆەنتسيالارعا بەرىك بولۋى كەرەك. ولاردى ورىنداۋ اسا ماڭىزدى»، دەدى»، - دەپ جازادى parstoday.

اۆتور: باقىتجول كاكەش


باستى سوزدەر: الةم, شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات