كەدەننىڭ ۋاقىتشا ساقتاۋ قويمالارىنداعى اۆتوكولىكتەر كادەگە جاراي ما

None
None
نۇر- سۇلتان. قازاقپارات - قارجى مينيسترلىگىنىڭ مەملەكەتتىك كىرىستەر كوميتەتى ۋاقىتشا ساقتاۋ قويمالارىندا باعاسى 500-9000 ا ق ش دوللارى ارالىعىنداعى 117 اۆتوكولىك قۇرالى تۇرعانىن جاريا ەتتى، دەپ حابارلايدى قازاقپارات ءتىلشىسى.

«ۋاقىتشا ساقتاۋ قويمالارىندا قىلمىستىق جانە اكىمشىلىك ىستەر بويىنشا زاتتاي دالەلدەمەلەر رەتىندە الىنعان 2006-2016 -جىلدارى شىققان كولىكتەر تۇر. ونىڭ ىشىندە قىرعىز ازاماتتارىنىڭ سەنىمحاتىمەن قىرعىز رەسپۋبليكاسىنان قازاقستانعا اكەلىنگەن جەڭىل اۆتوكولىكتەر دە بار. اتالعان اۆتوكولىكتەر سالىق تولەنبەۋى سالدارىنان كىدىرىپ، قويمادا تۇر»، - دەپ حابارلايدى كوميتەتتەن.

2019 -جىلدىڭ 13 - تامىزىنداعى جاعداي بويىنشا ۋاقىتشا ساقتاۋ قويمالارىندا 500-دەن 9000 ا ق ش دوللارىنا دەيىنگى باعامەن تۇرعان 1965-2013 -جىلدارى شىعارىلعان 117 اۆتوكولىك بار. ولاردى ەۋرازيالىق ەكونوميكالىق وداق اۋماعىندا پايدالانۋعا تىيىم سالىنعان جانە كولىكتەر قاۋىپسىزدىك بويىنشا تەحنيكالىق رەگلامەنتتەرگە سايكەس كەلمەيدى.

«وسىلايشا ۋاقىتشا ساقتاۋ قويمالارىندا قىمبات اۆتوكولىك قۇرالدارى جوقتىعىن حابارلايمىز. تەحنيكالىق رەگلامەنتكە سايكەس ەمەس، ءبىراق بۇدان ءارى پايدالانۋعا جارامدى اۆتوكولىك قۇرالدارىن قوسالقى بولشەكتەر بويىنشا ساتۋ قۇقىعى «وڭالتۋ جانە اكتيۆتەردى باسقارۋ كومپانياسى» ا ق ۇيىمىنا بەرىلگەن. ساتۋعا جانە بۇدان ءارى پايدالانۋعا جارامسىز اۆتوكولىك قۇرالدارى ۋاكىلەتتى مەملەكەتتىك ورگاندارمەن كەلىسىلگەندە جانە اقشالاي قاراجاتتار ىزدەستىرىلگەننەن كەيىن كادەگە جاراتىلاتىن بولادى»، - دەلىنگەن حابارلامادا.

ەسكە سالا كەتسەك، بۇعان دەيىن قازاقستانداعى كەدەن قويمالارىندا ءبىرقاتار اۆتوكولىك پەن ۇشۋ اپپاراتى «تۇرىپ قالعانى» حابارلانعان بولاتىن.

«ۇستالعان تاۋارلاردى وتكىزۋگە جاۋاپتى ءارى اكتيۆتەردى وڭالتۋ بويىنشا كومپانيالار تاۋارلاردىڭ قۇنىن ايقىنداي الماي جاتادى. وسىعان بايلانىستى كەيبىر تاۋارلار كەدەن قويمالارىندا ءالى جاتىر»، - دەگەن ەدى سىبايلاس جەمقورلىققا قارسى كۇرەس اگەنتتىگىنىڭ الدىن الۋ دەپارتامەنتىنىڭ باسشىسى انار جاروۆا ۆەدومستۆودا وتكەن جيىندا.

اۆتور: ايان بەكەن ۇلى

سوڭعى جاڭالىقتار