+7 (701) 759 90 19 Лента
7 °С : نۇر-سۇلتان
4 °С : الماتى
USD 389.52 EUR 429.21
RUB 6.07 CNY 54.94
جاڭالىقتار

بىشكەك سوتى اتامبايەۆتى يزولياتوردا قالدىردى

16 تامىز 17:51
:ءبولىسۋ
بىشكەك سوتى اتامبايەۆتى يزولياتوردا قالدىردى

بىشكەك. كابار - قازاقپارات - بۇگىن بىشكەك قالالىق سوتىنىڭ كوشپەلى وتىرىسىندا اتامبايەۆتى قىرعىزستاننىڭ مەملەكەتتىك ۇ ق ك تەرگەۋ يزولياتورىندا ۇستاۋ شاراسىن قارادى، دەپ حابارلايدى قازاقپارات كابار اگەنتتىگىنە سىلتەمە جاساپ.

وتىرىستا سوت بۇلتارتپاۋ شاراسىن وزگەرتكەن جوق. بۇرىنعى پرەزيدەنت 26 - تامىزعا دەيىن يزولياتوردا بولادى.

ەسكە سالا كەتەيىك، قىرعىزستاننىڭ بۇرىنعى پرەزيدەنتى بىرنەشە باپ بويىنشا ايىپتالىپ وتىر. اتاپ ايتقاندا، اتامبايەۆ: بىشكەك جىلۋ ەنەرگيا ستانساسىن جاڭعىرتۋ كەزىندە سىبايلاس جەمقورلىققا جول بەردى، بىشكەك جىلۋ ەنەرگيا ستانساسىنا كومىر جەتكىزۋدە سىبايلاس جەمقورلىققا جول بەردى، زاڭسىز جولمەن تابىستارىن ارتتىردى («فورۋم» عيماراتى ءىسى)، گەولوگيا اگەنتتىگىنىڭ جەكەلەگەن لاۋازىمدى تۇلعالارىمەن بىرگە ليسەنزيا بەرۋ بويىنشا سىبايلاس جەمقورلىققا جول بەردى دەگەن كۇدىككە ىلىككەن.

بۇدان بولەك، باس پروكۋرور وتكۋربەك دجامشيتوۆ اتامبايەۆ قارۋ پايدالانۋ، جاپپاي تارتىپسىزدىك ۇيىمداستىرۋ، تەرگەۋگە كەدەرگى جاساۋ، ادامداردى كەپىلگە الۋ، ادام ءولتىرۋدى ۇيىمداستىرۋ، ادام ولتىرۋگە ارەكەت جاساۋ باپتارى بويىنشا كۇدىككە ىلىنگەن مالىمدەگەن.

قىرعىزستاننىڭ مەملەكەتتىك ۇلتتىق قاۋىپسىزدىك كوميتەتىنىڭ ءتوراعاسى وروزبەك وپۋمبايەۆ قىرعىزستاننىڭ بۇرىنعى پرەزيدەنتى المازبەك اتامبايەۆ توڭكەرىس جاساماقشى بولدى دەگەن ەدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات