گۇلشارا ءابدىقالىقوۆا مۇعالىم مارتەبەسى تۋرالى زاڭنىڭ قاشان قابىلداناتىنىن ايتتى
«ۋاقىتتارىڭىزدى كوپ الماي، ەكى ماسەلەگە توقتالعىم كەلەدى. ءبىرىنشى ماسەلە - ول پرەزيدەنت ايتقان مۇعالىمدەردىڭ مارتەبەسىن كوتەرۋ تۋرالى زاڭ. وسى زاڭدى جاقىن ۋاقىتتا، 1- قىركۇيەككە دەيىن پارلامەنتكە ەنگىزۋىمىز كەرەك. سوندىقتان مينيسترلىككە 1-2 اپتانىڭ ىشىندە پارلامەنتكە ەنگىزۋ تۋرالى تاپسىرما بەرەمىن»، - دەدى ۆيتسە- پرەمەر.
ونىڭ اتاپ وتۋىنشە، «مۇعالىم مارتەبەسى تۋرالى» زاڭ جوباسى ەلىمىزدىڭ بارلىق وڭىرلەرىندە جان- جاقتى تالقىلانعان.
«سوندىقتان 1 - قاڭتارعا دەيىن بۇل زاڭدى قابىلداۋعا نەگىزگى مۇمكىندىك بار دەپ ويلايمىن. ەكىنشى ماسەلە - ول بارلىق دەڭگەيدە ءبىلىمنىڭ دامۋى مەن عىلىمنىڭ دامۋى. وسىعان بايلانىستى ءبىز 2025 -جىلعا دەيىن ءبىلىم مەن عىلىمدى دامىتۋدىڭ مەملەكەتتىك باعدارلاماسىن قابىلداۋىمىز كەرەك. بۇل باعدارلاما وسى جىلدىڭ سوڭىنا دەيىن تولىق جوسپارى جاسالىپ، قابىلدانۋى ءتيىس»، - دەدى گۇلشارا ءابدىقالىقوۆا.
اۆتور مارلان جيەمباي