+7 (701) 759 90 19 Лента
12 °С : نۇر-سۇلتان
16 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

اۋىل مەن قالا مەكتەپتەرىنە بىردەي جاعداي جاسالۋى كەرەك - قاسىم-جومارت توقايەۆ

16 تامىز 14:23 64
:ءبولىسۋ
اۋىل مەن قالا مەكتەپتەرىنە بىردەي جاعداي جاسالۋى كەرەك - قاسىم-جومارت توقايەۆ

نۇر-سۇلتان. قازاقپارات - ەلوردادا ءوتىپ جاتقان تامىز كونفەرەنتسياسىندا ق ر پرەزيدەنتى قاسىم-جومارت توقايەۆ ءبىلىم بەرۋدەگى تەڭسىزدىكتەردى جويۋدى تاپسىردى، دەپ حابارلايدى قازاقپارات ءتىلشىسى.

«ءبىلىم بەرۋ ىسىندەگى تەڭسىزدىكتى جويۋ ماڭىزدى. بۇل ماسەلە كوپتەگەن دامىعان ەلدەردە وزەكتى. ول حالىقتىڭ الەمۋەتتىك- ەكونوميكالىق ءال-اۋقاتىنا تىكەلەي بايلانىستى. بىزدەگى اۋىل مەن قالا بالالارىنىڭ اراسىندا ءبىلىم بەرۋ دەڭگەيى بويىنشا ايىرماشىلىق بولماۋى كەرەك. ءبىلىم بەرۋ ستاندارتتارى ءبىرىڭعاي بولۋى ءتيىس. بۇل ءبىلىم بەرۋ باعدارلاماسىنا دا قاتىستى. بارلىق بالالار تۇرعىلىقتى ورنىنا، اتا-اناسىنىڭ الەۋمەتتىك مارتەبەسىنە قاراماي، ساپالى بىلىمگە قول جەتكىزە الۋى كەرەك. ءبىلىم جانە عىلىم مينيسترلىگىنە تابىسى تومەن وتباسىلار مەن كۇردەلى الەۋمەتتىك جاعدايدا جۇمىس ىستەپ جاتقان مەكتەپتەردىڭ بالالارىنىڭ اكادەميالىق ارتتا قالۋىن جوياتىن ارنايى باعدارلامالاردى دايىنداپ ىسكە قوسۋدى تاپسىرامىن. وبلىس اكىمدەرى بۇل تاپسىرمامەن تۇبەگەيلى اينالىسۋى كەرەك. جەر- جەردە بالالارىمىزعا بارلىق جاعداي جاساۋ - ولاردىڭ تىكەلەي جاۋاپكەرشىلىگى»، - دەدى پرەزيدەنت.

ول سونداي-اق، وبلىس اكىمدەرىنە جەرگىلىكتى گرانت بويىنشا ءبىلىم الاتىن تۇلەكتەردى ءوز ولكەسىندە قالدىرۋدىڭ جۇيەسىن قالىپتاستىرۋدا تاپسىردى.

«اۋىلدى جەرلەردەگى كوپتەگەن شاعىن كومپلەكتىلى مەكتەپتەردە ءبىر مۇعالىم بىرنەشە پاننەن ساباق بەرۋگە ءماجبۇر بولىپ جۇرگەندە قانداي ءبىلىم ساپاسى تۋرالى ايتۋعا بولادى؟ ءوڭىر اكىمدەرىنە وبلىس مەكتەپتەرىنە ۇزدىك مۇعالىمدەر مەن پەداگوگتاردى تارتۋ ءۇشىن گرانتتار ءبولۋدى تاپسىرامىن. ءبىلىم بەرۋ - ەكونوميكانىڭ ناقتى سالاسى. سوندىقتان، ول ماڭىزدى نازار مەن كولەمدى سالىمدى تالاپ ەتەدى. تەك سولاي عانا وڭىرلەر مەن ەلىمىزدىڭ دامۋىن قامتاماسىز ەتە الامىز. اكىمدەر تۇلەكتەردى ءوز ولكەسىندە قالدىرۋدىڭ جۇيەسىن ويلاستىرا وتىرىپ، جۇيەلى تۇردە جوعارى وقۋ ورىندارىندا ءبىلىم الۋعا مۇمكىندىك بەرەتىن جەكە گرانتتار ءبولۋى قاجەت»، - دەدى قاسىم-جومارت توقايەۆ.

ەسكە سالساق، ەلورداداعى تاۋەلسىزدىك سارايىندا مەملەكەت باسشىسى قاسىم-جومارت توقايەۆتىڭ قاتىسۋىمەن تامىز كونفەرەنتسياسى ءوتىپ جاتىر. مەملەكەت باسشىسى جيىندا اعىلشىن ءتىلىن وقىتۋ قاي سىنىپتاردان باستالاتىنىن ايتتى. سونداي-اق بارلىق پەداگوگتاردىڭ ەڭبەك دەمالىسى 56 كۇنگە دەيىن كوبەيتىلۋى مۇمكىن ەكەندىگى ءمالىم ەتىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات