+7 (701) 759 90 19
-24 °С : نۇر-سۇلتان
-9 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

جەتى ءتۇرلى ءىلىم بىلەتىن ۇرپاق تاربيەلەۋ بۇگىنگى كۇننىڭ مىندەتى - مەملەكەت باسشىسى

16 تامىز 13:29
:ءبولىسۋ
جەتى ءتۇرلى ءىلىم بىلەتىن ۇرپاق تاربيەلەۋ بۇگىنگى كۇننىڭ مىندەتى - مەملەكەت باسشىسى

نۇر-سۇلتان. قازاقپارات - جەتى ءتۇرلى ءىلىم بىلەتىن ۇرپاق تاربيەلەۋ بۇگىنگى كۇننىڭ نەگىزگى مىندەتى. بۇل تۋرالى بۇگىن تامىز كونفەرەنتسياسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«تاريحى تەرەڭ ءداستۇر ساباقتاستىعى ۇلتتىق تاربيە ارقىلى بەرىلەدى. ماعجان جۇمابايەۆ « پەداگوگيكا «ەڭبەگىندە» ءاربىر تاربيەشى بالانى ۇلت داستۇرىمەن تاربيەلەۋگە مىندەتتى» دەدى.

اتا-بابالارىمىز امانات ەتىپ كەتكەن ۇلان-عايىر دالانى امان ساقتاۋ ەڭ الدىمەن جاس بۋىنعا ارتىلاتىن زور مىندەت. كەيىنگى ۇرپاق تاۋەلسىزدىگىمىزدىڭ تۋىن ءارقاشان جوعارى ۇستاۋى ءتيىس»، - دەپ اتاپ ءوتتى قازاقستان پرەزيدەنتى.

وسى ورايدا مەملەكەت باسشىسى قازىرگى جاھاندانۋ داۋىرىندە جاڭا تەحنولوگيانىڭ قارقىندى دامۋى ومىرىمىزگە تۇبەگەيلى وزگەرىستەر اكەلەتىندىگىنە نازار اۋدارتتى.

«ادام كاپيتالىنا، ءبىلىم سالاسىنا قويىلاتىن تالاپتار مۇلدەم وزگەشە. ساپالى ءبىلىم قارقىندى دامۋدىڭ باستى شارتىنا اينالدى. ۇلى اباي ۇنەمى سىنعا العان ماسىلدىق قوعامعا ەشقاشان جاقسىلىق اكەلگەن ەمەس. سونى تۇسىنەتىن جاستارىمىز تەك بىلىممەن قارۋلانىپ، ەڭبەككە عانا ارقا سۇيەۋى ءتيىس»، - دەدى ق. توقايەۆ.

ق ر پرەزيدەنتى قازىرگى زاماننىڭ جاڭاشا تالاپتارى مەن ۇردىستەرىنە ءارقاشان ساي بولۋىمىز كەرەكتىگىن باسا ايتتى.

«بۇل ءۇشىن ءبىر ورىندا تۇرىپ قالماي، ىلگەرى جىلجۋ باستى ماقسات بولۋ ءتيىس. سوندىقتان ءبىلىمى تەرەڭ، ويى وزىق ۇرپاق تاربيەلەيتىن مۇعالىمدەر قاۋىمىنا زور جاۋاپكەرشىلىك جۇكتەلەدى. سىزدەردىڭ بۇگىنگى شاكىرتتەرىڭىز قازاقستاننىڭ جارقىن بولاشاعى. ساپالى ءبىلىم جەتىستىكتەرگە جەتۋدىڭ جولى ءارى ەكونوميكانى دامىتۋدىڭ باستى قۇرالى. جەتى ءتۇرلى ءىلىم بىلەتىن ۇرپاق تاربيەلەۋ بۇگىنگى كۇننىڭ نەگىزگى مىندەتى»، - دەدى مەملەكەت باسشىسى.


باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات