ق ر پرەزيدەنتى: مۇعالىم ەڭبەگىن لايىقتى باعالاۋ - وتە ماڭىزدى مىندەت

None
None
نۇر-سۇلتان. قازاقپارات - مۇعالىم ەڭبەگىن لايىقتى باعالاۋ وتە ماڭىزدى مىندەت. بۇل تۋرالى بۇگىن تامىز كونفەرەنتسياسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«داستۇرگە اينالعان تامىز كونفەرەنتسياسى - ۇستازدار قاۋىمى باس قوساتىن اۋقىمدى ءارى ماڭىزدى جيىن. ءار ادام قانداي جەتىستىككە جەتسە دە ءبىلىم بەرگەن ۇستازدارىن ەرەكشە قادىرلەيدى. ەلباسىمىز نۇرسۇلتان ءابىش ۇلى نازاربايەۆتىڭ مارتەبەلى ماماندىق يەلەرىنە دەگەن ىقىلاسى ەرەكشە ەكەنىن وزدەرىڭىز جاقسى بىلەسىزدەر. مەندە بۇگىن سىزدەرمەن كەزدەسۋ ءۇشىن وسى جيىنعا ارنايى كەلىپ وتىرمىن»، - دەگەن مەملەكەت باسشىسى ەڭ الدىمەن ءبىلىم جانە عىلىم سالاسىنىڭ بارلىق قىزمەتكەرلەرىنە شىنايى ىقىلاسىن ءبىلدىردى.

سونىمەن قاتار قازاقستان پرەزيدەنتى مۇعالىمدەردىڭ ەلىمىزدىڭ بولاشاعى ءۇشىن ايانباي ەڭبەك ەتىپ كەلە جاتقاندارىن باسا ايتتى.

«بىلىمدىدەن شىققان ءسوز تالاپتىعا بولسىن كەز» دەپ ۇلى اباي ايتقانداي ۇستاز ءارقاشان ءىلىم مەن ىزگىلىكتى العا قوياتىن تۇلعا. ۇلاعاتتى ۇرپاق تاربيەلەۋ اسا جاۋاپتى ءارى كۇردەلى مىندەت. سىزدەردىڭ ارقالارىڭىزدا تۇتاس ءبىر بۋىننىڭ قۇندىلىقتارى مەن قاسيەتتەرى قالىپتاسادى. «ۇستازى جاقسىنىڭ ۇستانىمى جاقسى» دەگەن حالقىمىز. ۇستازسىز ادام بولمايدى. ءبارىمىز دە كەزىندە مۇعالىم ءتالىمىن الىپ، ءبىلىمىن ۇيرەندىك. سوندىقتان بولاشاققا جول سىلتەيتىن مۇعالىم ەڭبەگىن لايىقتى باعالاۋ وتە ماڭىزدى مىندەت»، - دەدى ق. توقايەۆ.

سوڭعى جاڭالىقتار