+7 (701) 759 90 19 Лента
15 °С : نۇر-سۇلتان
22 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

يزرايل ا ق ش كونگرەسىنە مۇشە ەكى مۇسىلمان ايەلدى ەلگە كىرگىزبەۋدى ۇيعاردى

16 تامىز 11:13 65
:ءبولىسۋ
يزرايل ا ق ش كونگرەسىنە مۇشە ەكى مۇسىلمان ايەلدى ەلگە كىرگىزبەۋدى ۇيعاردى

نۇر-سۇلتان. قازاقپارات - يزرايل ا ق ش كونگرەسىنىڭ وكىلدەر پالاتاسى مۇشەلەرى دەموكراتتار راشيدا تلايب پەن يلحان وماردىڭ ەل اۋماعىنا كىرۋىنە تىيىم سالدى. ول ەكەۋى – ا ق ش كونگرەسىنە سايلانعان العاشقى مۇسىلمان ايەلدەر.

تلايب پەن ومار ا ق ش پرەزيدەنتى دونالد ترامپ پەن يزرايلدىڭ پالەستينا اۆتونومياسىنا قاتىستى ساياساتىن سىناعان. ولار پالەستينالىق «بويكوت، ينۆەستيتسيا مەن سانكتسيادان باس تارتۋ» قوزعالىسىن قولداعان. يزرايل زاڭى بويىنشا، قوزعالىس جاقتاستارىن ەل اۋماعىنا كىرگىزۋگە تىيىم سالىنۋى مۇمكىن.

پرەزيدەنت ترامپ Twitter- دەگى پاراقشاسىنا «ەگەر يزرايل تلايب پەن وماردى قابىلداۋعا كەلىسسە، السىزدىك تانىتقان بولار ەدى» دەپ جازعان.

ا ق ش كونگرەسىندەگى دەموكراتتار ليدەرى نەنسي پەلوسي يزرايل بيلىگىنىڭ شەشىمىنە قاتتى قوبالجىعانىن مالىمدەدى. سەناتتاعى دەموكراتتار جەتەكشىسى چاك شۋمەر يزرايل ۇكىمەتىن تلايب پەن ومار جايلى شەشىمىن وزگەرتۋگە شاقىردى. ومار بۇل تىيىمدى قورلاۋ دەپ قابىلدادى. تلايب يزرايل شەشىمىن السىزدىك دەپ اتادى. الايدا ول بولاشاقتا ساپاردىڭ ءساتى تۇسەر دەگەن ءۇمىتى بارىن جەتكىزدى.

شىلدە ايىندا ا ق ش- تىڭ يزرايلدەگى ەلشىسى رون درەمەر يزرايل ۇكىمەتى ا ق ش كونگرەسى مەن ەكى ەل اراسىنداعى قارىم-قاتىناسىنا دەگەن قۇرمەت بەلگىسى رەتىندە تلايب پەن وماردىڭ كەلۋىنە رۇقسات بەرەدى دەپ ايتقان.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات