+7 (701) 759 90 19
-8 °С : نۇر-سۇلتان
-2 °С : الماتى
USD 388.81 EUR 429.01
RUB 6.08 CNY 55.49
جاڭالىقتار

ەۋروپا ليگاسى: «استانا» پلەي- وففقا شىقتى

16 تامىز 14:32
:ءبولىسۋ

نۇر-سۇلتان. قازاقپارات - ەلوردالىق «استانا» فۋتبولدان UEFA ەۋروپا ليگاسى پلەي-وفف كەزەڭىنە جولداما الدى، دەپ حابارلايدى قازاقپارات ءتىلشىسى.

ەستەرىڭىزگە سالا كەتەلىك، 8- تامىزدا «استانا» ءوز الاڭىندا مالتانىڭ «ۆاللەتتا» كلۋبىنان 5:1 ەسەبىمەن باسىم تۇسكەن بولاتىن. سوندىقتان مالتالىق كلۋبتىڭ جارىستىڭ كەلەسى ساتىسىنا شىعۋ مۇمكىندىگى قيىنداپ كەتتى.

ەلوردالىق كلۋب بۇگىن سىرت الاڭداعى قارىمتا ويىندا دا جاقسى ويىن ورنەگىن كورسەتتى. كەزدەسۋدىڭ ءبىرىنشى كەزەڭىندە «استانا» ساپىنان رومان مۋرتازايەۆ 25-ءشى، مارين توماسوۆ 37-مينۋتتا گول سوقتى. بۇدان كەيىن الاڭ يەلەرىنىڭ جارىستىڭ كەلەسى ساتىسىنا شىعۋ مۇمكىندىگى ودان دا قيىنداي ءتۇستى. ويتكەنى، ەندى ولار كەمىندە 7 گول سوعىپ، ءوز قاقپاسىنا گول جىبەرمەۋ كەرەك بولدى.

ەكىنشى كەزەڭدە دە ەلوردالىق كلۋب جيناقى ويىن ورنەگىن كورسەتتى. ناتيجەسىندە 68-مينۋتتا رومان مۋرتازايەۆ تاعى ءبىر گولدىڭ اۆتورى اتاندى.

كەزدەسۋ نۇكتەسىن 89-مينۋتتا مارين توماسوۆ قويدى. وسىلايشا ەلوردالىق كلۋب سىرت الاڭدا 4:0 ەسەبىمەن جەڭىسكە جەتتى.

ەندى «استانا» پلەي-وفف ساتىسىندا بەلارۋستىڭ باتە كومانداسىمەن كەزدەسەدى. بەلارۋس كلۋبى بۇگىن بوسنيانىڭ «سارايەۆو» كومانداسىن ورتا جولدا قالدىردى. «استانا» ولاردى 22- تامىزدا ءوز الاڭىندا قابىلداسا، 29- تامىزدا قارىمتا ويىن وتكىزەدى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات