+7 (701) 759 90 19
5 °С : نۇر-سۇلتان
8 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

ەلوردادا اۋەسقوي تەاترلاردىڭ حالىقارالىق فەستيۆالى باستالدى

15 تامىز 19:16
:ءبولىسۋ
ەلوردادا اۋەسقوي تەاترلاردىڭ حالىقارالىق فەستيۆالى باستالدى

نۇر-سۇلتان. قازاقپارات - ەلوردادا اۋەسقوي تەاترلاردىڭ «ءساتتى بيلەت» اتتى Ⅱحالىقارالىق فەستيۆالى ءوتىپ جاتىر، دەپ حابارلايدى قازاقپارات ءتىلشىسى.

نۇر-سۇلتان قالاسىنىڭ «سوۆرەمەننيك» حالىقتىق جاستار تەاترىنىڭ ۇيىمداستىرۋىمەن، ەلوردا اكىمدىگىنىڭ مەن رەسەيلىك عىلىم جانە مادەنيەت ورتالىعىنىڭ قولداۋىمەن ءوتىپ جاتقان ساحنا دوداسىنا رەسەيدەن دە ۇمىتكەرلەر كەلىپتى.

«جىل سايىن استانامىزدا كاسىبي تەاترلار باس قوسىپ جاتادى. ونداي شارالارعا ءبىز سياقتى اۋەسقوي ساحنا وكىلدەرى قاتىسا المايدى. سوندىقتان، اۋەسقوي تەاترلاردىڭ باسىن بيىل ەكىنشى رەت نۇر-سۇلتان قالاسىندا قوسىپ وتىرمىز. بىلتىر دا حالىقارالىق دەڭگەيدە وتكىزگەن بولاتىنبىز. بيىل ۇمىتكەرلەر سانى بىلتىرعىدان كوپ. العاشقى جىلى 3 ۇجىم عانا باق سىناسا، بيىل 5 تەاتر قاتىسقالى وتىر. ونىڭ ەكەۋى رەسەيدىڭ تۇمەن جانە قورعان قالالارىنان كەلسە، نۇر-سۇلتان قالاسىنىڭ اتىنان ەكى ۇجىم شىعادى. سونداي-اق، رۋدنىي قالاسىنىڭ ءبىر تەاترى بار. نەگىزى فەستيۆالعا قاتىسۋشىلاردىڭ جاسىنا شەكتەۋ جوق. تۇمەننەن كەلگەن اۋەسقوي بالالار تەاترىندا بەس جاسار ءبۇلدىرشىن دە بار. ال ءبىزدىڭ ارامىزدا 30 دان اسقان ونەرپاز ءجۇر. بار-جوعى بەس ۇجىم قاتىسىپ جاتسا دا، «باس جۇلدە» مەن ءۇش جۇلدەلى ورىن تاعايىندالعان. «ۇزدىك ايەل ءرولى» جانە «ۇزدىك ەر ادام ءرولى» دەگەن اتالىمدار دا بار. جەڭىمپازدارعا گراموتالار مەن مۇسىنشەلەر تابىستالادى. بىلتىر قارجىلاي سىيلىق بەرگەن بولاتىنبىز. بيىل وعان دەمەۋشى بولمادى»، - دەيدى «سوۆرەمەننيك حالىقتىق جاستار تەاترىنىڭ وكىلى باۋىرجان توعىزبايەۆ.

فەستيۆال ەكى كۇنگە جالعاسپاق. 15-16- تامىز كۇندەرى NomadCityHall عيماراتىندا بەس ۇجىم كورەرمەن نازارىنا ءتۇرلى جانرداعى بىرنەشە قويىلىم ۇسىنادى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات