+7 (701) 759 90 19 Лента
15 °С : نۇر-سۇلتان
22 °С : الماتى
USD 386.05 EUR 428.25
RUB 5.84 CNY 54.65
جاڭالىقتار

باتىر انالارعا مەملەكەتتىك جاردەماقى تاعايىنداۋ پرواكتيۆتى فورماتقا كوشىرىلەدى

15 تامىز 22:05 50
:ءبولىسۋ
باتىر انالارعا مەملەكەتتىك جاردەماقى تاعايىنداۋ پرواكتيۆتى فورماتقا كوشىرىلەدى

نۇر-سۇلتان. قازاقپارات - باتىر انالارعا مەملەكەتتىك جاردەماقى تاعايىنداۋ پرواكتيۆتى فورماتقا كوشىرىلەدى، دەپ حابارلايدى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى.

باسپا ءسوز مالىمەتتەرىنە قاراعاندا، بۇگىنگى كۇنى اي سايىن 700 گە جۋىق قىزمەت الۋشىعا جاردەماقى تاعايىندالادى.

قازاقستاندا «التىن القا» جانە «كۇمىس القا» القالارىمەن ناگرادتالعان كوپبالالى انالارعا مەملەكەتتىك جاردەماقى تاعايىنداۋ ەندى اۆتوماتتى رەجيمدە جۇزەگە اسىرىلادى.

ەگەر بۇرىن انالار حالىققا قىزمەت كورسەتۋ ورتالىعىنا بارىپ ءوتىنىش جازسا، ەندى وسى ايدان باستاپ قىزمەت الۋ ءراسىمى پرواكتيۆتى بولا باستادى. باسقاشا ايتقاندا، مەملەكەتتىك جاردەماقى انالاردىڭ جەكە ءوتىنىشىنسىز تاعايىندالاتىن بولادى. مەملەكەتتىك قىزمەت اي سايىن 700 گە جۋىق قىزمەت الۋشىعا كورسەتىلەتىنى بەلگىلى.

الايدا، قىزمەتتەر ءموبيلدى ازاماتتار بازاسىندا تىركەلگەن ازاماتتارعا عانا پرواكتيۆتى تۇردە كورسەتىلەتىنىن اتاپ وتكەن ءجون. ول ءۇشىن ە ت س ق- عا قول قويۋ ارقىلى ۇيالى تەلەفونىنىڭ ءنومىرىن حالىققا قىزمەت كورسەتۋ ورتالىعىندا نەمەسە egov.kz پورتالىندا ءبىر رەت تىركەۋ جەتكىلىكتى. مۇنداي تىركەۋدەن وتپەگەن ادامدار «بۇرىنعىداي تارتىپپەن» قىزمەت كورسەتۋگە ءوتىنىش بەرۋى قاجەت.

«پرواكتيۆتى قىزمەت كورسەتۋ پروتسەسى پرەزيدەنت اكىمشىلىگىنىڭ اقپاراتتىق جۇيەسىنەن ەڭبەك مينيسترلىگىنىڭ اقپاراتتىق جۇيەسىنە ءبىرىنشى رەت «التىن القا» جانە «كۇمىس القا» القالارىمەن ناگرادتالعان كوپبالالى انالار تۋرالى اقپارات تۇسكەن كەزدە باستالادى»، - دەپ حابارلادى ۆەدومستۆونىڭ باسپا ءسوز قىزمەتى.

بۇدان بۇرىن وتىنىشتەردى قابىلداۋ جانە قىزمەتتەردى كورسەتۋ ناتيجەسىن بەرۋ «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكسيونەرلىك قوعامى ارقىلى جۇزەگە اسىرىلعانىن ەستەرىڭىزگە سالامىز.

قازاقستاندا التىنشى نەمەسە جەتىنشى بالانى دۇنيەگە اكەلگەن انالار «كۇمىس القا» جانە «التىن القا» مەملەكەتتىك ناگرادالارىمەن ماراپاتتالادى. بۇل مەملەكەتتىك ناگرادالاردى العان انالار اي سايىن 16160 تەڭگە (6,4 ا ە ك) مولشەرىندە جاردەماقى الادى، ونىڭ مولشەرى جىل سايىن ينفلياتسيا دەڭگەيىن ەسكەرە وتىرىپ قايتا ەسەپتەلىپ وتىرادى. بۇل مەملەكەتتىك قىزمەتتەر قۇرمەتتى اتاقتار الۋعا بايلانىستى تاعايىندالادى، سوندىقتان ولار ەڭ تومەنگى كۇنكورىس دەڭگەيىنە بايلانىستى ەمەس.

بۇل تولەمدەر ءومىر بويىنا ەسەپتەلەدى، ياعني ولار زەينەتكەرلىككە شىققاننان كەيىن دە توقتاتىلمايدى، سونداي-اق وتباسىنىڭ كىرىسىنە قاراماستان تاعايىندالادى. بۇگىنگى كۇنى مۇنداي قۇرمەتتى اتاققا 237 مىڭ انا يە.


باستى سوزدەر: ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات