اسقار مامين قوستانايدىڭ يندۋستريالىق دامۋ بارىسىمەن تانىستى
ق ر تۇڭعىش پرەزيدەنتى - ەلباسى ن. ءا. نازاربايەۆتىڭ ستراتەگيالىق ماقساتتارىنا، سونداي-اق، مەملەكەت باسشىسى ق. ك. توقايەۆتىڭ تاپسىرمالارىنا سايكەس، ماشينا جاساۋ سالاسىن دامىتۋ ق ر ۇكىمەتى قىزمەتىنىڭ باسىمدىقتارىنىڭ بىرىنە اينالدى. سوندىقتان دا، جۇمىس ساپارى بارىسىندا ماشينا جاساۋ سالاسىن دامىتۋ ماسەلەلەرىنە ەرەكشە كوڭىل ءبولىندى. قوستاناي ق. جاڭا يندۋستريالىق ايماعىنىڭ اۋماعىندا قۇرىلىستىڭ العاشقى كەزەڭى اياقتالدى، «بەلارۋس» جانە «كيروۆەتس» قۋاتقا قانىق تراكتورلارىنىڭ ءوندىرىسى ىسكە قوسىلدى. بارلىعى ايماق اۋماعىندا 3 مىڭ جۇمىس ورنىن قۇرۋمەن، 350 ميلليارد تەڭگەگە 14 جوبانى ورنالاستىرۋ كوزدەلگەن.
ءوڭىر ەكونوميكاسى مەن بارلىق سالانى يندۋستريالىق-تەحنولوگيالىق دامىتۋ درايۆەرلەرىنىڭ ءبىرى — اۆتوموبيل قۇراستىرۋ. اسقار مامين سالا كوشباسشىسى — «سارىارقا اۆتو ونەركاسىپ» ج ش س وندىرىستىك سەحتارىن قارادى، وندا جەڭىل جانە جۇك اۆتوكولىكتەرىنىڭ، اۆتوبۋستاردىڭ شاناقتارىن قۇراستىرۋ، بىرىكتىرۋ جانە بوياۋ جۇمىستارى جۇرگىزىلەدى. كاسىپورىننىڭ جىل سايىنعى وندىرىستىك قۋاتتىلىعى 27 مىڭ دانادان استام، مۇندا 8 برەندتىڭ 50 دەن استام اۆتوكولىك ۇلگىلەرى قۇراستىرىلادى.
ق ر پرەمەر-ءمينيسترى قازاقستاندا اۆتوكولىك قۇراستىرۋ جانە اۋىل شارۋاشىلىعى ماشيناسىن جاساۋ ماسەلەلەرى جونىندە جۇمىس كەڭەسىن وتكىزدى، وندا ق ر يندۋستريا جانە ينفراقۇرىلىمدىق دامۋ ءمينيسترى ر. سكليار، اۋىل شارۋاشىلىعى ءمينيسترى س. وماروۆ، قوستاناي وبلىسىنىڭ اكىمى ا. مۇحامبەتوۆ، شىعىس قازاقستان وبلىسىنىڭ اكىمى د. احمەتوۆ، سونداي-اق، ءبىرقاتار كاسىپورىن باسشىلارى، ولاردىڭ ىشىندە «Astana Group» وكىلى ن. سماعۇلوۆ، «كاماز» ا ا ق باسقارما ءتوراعاسى س. كوگوگين، «China National Vehicles Import and Export Corporation» ديرەكتورى ۆۋ ي، «پەتەربۋرگ تراكتور زاۋىتى» ا ق ديرەكتورى س. سەرەبرياكوۆ، «گومسەلماش» ا ا ق باس ديرەكتورى ا. نوۆيكوۆ ءسوز سويلەدى.
ق ر ۇكىمەتىنىڭ باسشىسى بيىل شىلدەدە قابىلدانعان ماشينا جاساۋدى دامىتۋدىڭ 2019- 2024-جىلدارعا ارنالعان جول كارتاسىندا قولداۋدىڭ جۇيەلىك شارالارىنىڭ كەشەنى قاراستىرىلعانىن اتاپ ءوتتى، ولاردىڭ قاتارىندا سالىقتىق پرەفەرەنتسيالار، قارجىلىق جانە شيكىزاتتىق قولداۋ، بىلىكتى ماماندارمەن قامتاماسىز ەتۋ شارالارى بار. سالا الدىندا 2020-جىلعا قاراي جىلىنا 100 مىڭ اۆتوكولىك قۇرالىنا دەيىن شىعارۋدى قامتاماسىز ەتۋ مىندەتى تۇر.
ق ر پرەمەر-ءمينيسترى جۇمىس ساپارى بارىسىندا «بايان سۇلۋ» ا ق كونديتەرلىك فابريكاسىنا بارىپ، قوستاناي اۋدانىنىڭ «و ح «زارەچنوە» ج ش س الاڭدارىندا اۋىل شارۋاشىلىعى داقىلدارىنىڭ ەگىس جاعدايىن قارادى.
اسقار مامين زارەچنوە اۋىلىندا «سيەۆەرنىي» شاعىن اۋدانىنا باردى، وندا «نۇرلى جەر» باعدارلاماسى اياسىندا 279 جەكە جانە 11 كوپ قاباتتى تۇرعىن ۇيلەر سالۋ كوزدەلگەن. بۇگىندە 172 ءۇي بويىنشا جۇمىستار اياقتالعان، وسى جىلدىڭ سوڭىنا دەيىن 107 ءۇي سالىنادى.
ق ر پرەمەر-ءمينيسترى اسقار مامين كۇننىڭ ەكىنشى جارتىسىندا رۋدنىي قالاسىندا ءبىرقاتار جۇيە قۇرۋشى كاسىپورىندارعا باردى، ولار: «سوكولوۆ-سارىباي تاۋ-كەن بايىتۋ وندىرىستىك بىرلەستىگى» ا ق سوكولوۆ كارەرى، رۋدنىي سەمەنت زاۋىتى، «ليدەر-2010» ج ش س ءسۇت وڭدەۋ جانە ءسۇت ونىمدەرىن شىعارۋ كاسىپورنى.