وليمپيادا چەمپيونى ولگا رىپاكوۆا جاڭا لاۋازىمعا يە بولدى
ازيا جەڭىل اتلەتيكا قاۋىمداستىعىنان كەلگەن حاتتا لوندون وليمپياداسىنىڭ چەمپيونى ولگا رىپاكوۆانىڭ قۇرلىقتىق قاۋىمداستىق كوميسسياسىنا مۇشە رەتىندە قابىلدانعانى حابارلانعان.
وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنىڭ مالىمەتىنە قاراعاندا، اتالمىش قۇرلىقتىق رىپاكوۆادان بولەك وزبەكستاندىق اندرەي ابدۋۆاليە، قىتايلىق ۆان يۋ، ءۇندىستاندىق پ. ت. ۋشا، مالايزيالىق لي حۋپ ۆەي جانە ساۋديالىق سااد شادداد بار.
قۇرلىقتىق جەڭىل اتلەتيكا قاۋىمداستىعىنىڭ ءتوراعاسى داحلان ءال-حامادتىڭ اتىنان ۇيىمنىڭ باس حاتشىسى ا. شۋگگۋمارران قۇتتىقتاعان.
«ءسىزدىڭ بىلىكتىلىگىڭىز بەن تاجىريبەڭىز ازيا قۇرلىعىنىڭ جەڭىل اتلەتيكاسىن ورگە سۇيرەۋگە كومەكتەسەتىنىنە سەنىمىم مول»، - دەلىنگەن حاتتا.
بۇعان دەيىن قازاقستان جەڭىل اتلەتيكا فەدەراتسياسىنىڭ باس حاتشىسى اسحات سەيسەمبەكوۆ جارىستار ۇيىمداستىرۋ جونىندەگى كوميسسيانىڭ مۇشەسى رەتىندە قابىلدانعان بولاتىن.