+7 (701) 759 90 19 Лента
10 °С : نۇر-سۇلتان
15 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

توكيو وليمپياداسىنا دايىندىق قالاي ءجۇرىپ جاتىر

15 تامىز 14:45 21
:ءبولىسۋ
توكيو وليمپياداسىنا دايىندىق قالاي ءجۇرىپ جاتىر

نۇر- سۇلتان. قازاقپارات - مادەنيەت جانە سپورت ءمينيسترى اقتوتى رايىمقۇلوۆا 2020 -جىلى توكيودا وتەتىن 32- جازعى وليمپيادا ويىندارىنا دايىندىق قالاي ءجۇرىپ جاتقانىن جەتكىزدى، دەپ حابارلايدى قازاقپارات ءتىلشىسى.

«جاپونيا استاناسى - توكيودا وتەتىن 32- جازعى وليمپيادا ويىندارىنا ءبىر جىلدان از ۋاقىت قالدى. وليمپياداعا دايىندىق بەلسەندى تۇردە ءجۇرىپ جاتىر. وسى جىل كولەمىندە ۇلتتىق قۇرامالار 28 ليسەنزيالىق الەم چەمپيوناتىنا، 19 ازيا چەمپيوناتىنا جانە بىرنەشە الەمدىك ىرىكتەۋ تۋرنيرىنە قاتىسۋدى جوسپارلاپ وتىر. ولاردا توكيودا وتەتىن وليمپيادا ويىندارىنا قاتىسۋ كۆوتالارى بەرىلەدى.

2020 -جىلى 3 الەم چەمپيوناتىنا، 19 ازيا، 18 الەمدىك ىرىكتەۋ تۋرنيرىنە قاتىسۋ كوزدەلىپ وتىر. وليمپيادا باستالعانعا دەيىن قازاقستاندىق سپورتشىلار ليتسەنزيالىق جانە رەيتينگتىك ۇپايلاردى جەڭىپ الۋ ءۇشىن ەلۋدەن استام الەم كۋبوكتارىندا باق سىنايدى، ناتيجەلەرى بويىنشا وليمپيادا ويىندارىنا قاتىسۋشىلار انىقتالادى»، - دەدى اقتوتى رايىمقۇلوۆا و ك ق- دا وتكەن باسپا ءسوز ءماسليحاتىندا.

ءمينيستردىڭ ايتۋىنا قاراعاندا، جوسپارلانعان ستارتتاردىڭ ناتيجەلەرى بويىنشا 2016 -جىلعى وليمپياداعىداي ليتسەنزيالار سانىن جەڭىپ الۋ مىندەتتەرى قويىلىپ وتىر.

«سپورتشىلارىمىزدىڭ حالىقارالىق ارەنالار مەن وليمپيادا ويىندارىنان ولجالى ورالۋلارىنا تىلەكتەسپىز»، - دەدى ول.

ال دەنە شىنىقتىرۋ جانە سپورت كوميتەتىنىڭ ءتوراعاسى سەرىك ساپييەۆتىڭ سوزىنە قۇلاق اسساق، قازىردىڭ وزىندە قازاقستاندىق سپورتشىلاردىڭ قورجىنىندا سپورتتىڭ 6 ءتۇرى بويىنشا 10 ليسەنزيا بار.

«ليتسەنزيا العانداردىڭ قاتارىندا ولگا رىپاكوۆا، دميتريي بالاندين، گەورگيي شەيكو، ستەندتى اتۋ سپورتىنىڭ كومانداسى بار»، - دەدى ول.

اۆتور: ايان بەكەن ۇلى


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات